uf u drvo

Back in Switzerland

2009-07-08T07:22:00.000-07:00

Hallo zäme
e chlei verspätet wei mir doch no aune mersi säge für das absolut super spitze gigantische jahr. es isch eifach dr hammer gsi u mir si sehr dankbar, hei mr so öppis dörfe erläbe. jedes Land, jede Tag isch so einzigartig gsi u d lüt hei üs meischtens sehr fründlech empfange. das jahr isch sehr rich gsi vo erfahrige u mir hei sehr viu chönne profitiere u nöis derzue lehre.

mir danke aune vo härze für öii ungerstützig u das tröie läse vo üsem blog. e bsundere Dank geit natürlech a üsi Familie, wo würklech ds ganze jahr für üs si da gsi.

mir si üs langsam am aklimatisiere, hei d ruckseck vorerscht einisch i egge gsteut u luege ume für ne nöii wohnig. mit dr übergangslösig vo fränes zäut si mir aber ou ganz glücklech.

u mir chöi hie ou anue garantiere, dass mir keni schweinegrippe oder schüsch öppis id schwiz igschleipft hei. mit dr desinfektion vo räbers hei mer jedes chäferli mit em hochdruckreiniger abgsprütz u abtötöet.
auso dir liebe, de düe mir üs hie verabschide u säge tschüss zäme u bis zum nächschte mau wes wider heisst:UF-U-DRVO
dani u pädu

3x Bangkok

2009-06-25T03:15:00.000-07:00

halloechen
scho zum 3te mau si mir its i dere grosse chaotestadt bangkok.e super usflug wo me vo hie us cha mache, isch dr 100 km entfaernt floauting market. bi daem market, wo sech dr verchouf uf em ne fluss uf de booetli abspiut, het me vorauem am morge frueh es bsungers ambiente. wo no nid viu touris ume si u die iheimische no mitenang am haendele si, si mir 2 mit em ne schiffli derduer gfahr. dae maerit isch aecht empfaehlens waert u gseht me aeue so schnaeu nuemm meh.
am wuchenaend si mir zum mutter aller maerite gange. dr groescht maerit vo bangkok namens chatuchak. nach eim tag hesch villech grad mau e 1/4 gseh vo auem. naebscht tonne vo diverse chleider, souveniers, deckostueck, moebu cha me ou aui arte vo tier choufe. die arme waese si de meischtens ou no im ne chleidli oder hei chaeppli ufgsetzt.
da die stadt so witloeifig isch, mues me meischtens es taxi naeh u steit ewigs im stou. vo de tuktuk rate mir ab, die cheibe houe eim immer ueber ds ohr. vorauem ar khao san road, dere tourischtestrass vo bangkok, warte si numme uf ihri opfer.
ei tag si mir ir 2 groeschte snake farm vor waeut gsi. naebscht daem das mir e pyton hei ume haus gha, hei mer sehr viu ueber schlange glehr u wuesse its am schluss vou uesere reis ou, wie me bim ne schlangebiss richtig wuerd reagiere. (isch ja sehr wichtig, jetz wo mir id schwiz zruegg chehre) ihre show reize si de no die verschidene schlangearte u ues ir erschte reihe isch langsam nuemm so wouh gsi. so ne king kobra isch ja scho schoen, aber bitte nid vor uesne schinkli.
its hei mir no chlei meh aus 1 tag i dere stadt, bevor mir hei fluege. mir si scho fasch chlei naervoes, we mr dra daenke. im mbk-shoppingcenter wei mir ues drum no chlei go ablaenke.
auso, es letsch mau tschuess us em ne angere land.
auerliebschti gruess vo de 2 schoeggeler

Bali-Teil 3

2009-06-24T23:11:00.000-07:00

hallo zaeme
wie scho im letschte blog erwaehnt, si mir in bali mit em pinkige honda umenang gflitzet. zersch si mir quer duer ds land ueber die voukaen uebere uf d nordsite vo bali. drbi hets ues i de baerge verschiffet vom struebschte. richtegi bech si ueber d strasse abe gflosse, was d fahrt bi dene eher schwierige, kurvige u starch befahrnige strasse nid umbedingt erliechteret het.
ds ziu isch lovina gsi, es eher ruhigs u chlises fischerdoerfli mit em ne schwarze sandstrand. dert isches viu weniger touristisch u mi gseht no chlei meh dr traditionell laebesstiu vo de indonesier. mehrmaus hei si d strasse waege ihrne rituelle umzueg gsperrt u mir hei daem gscheh choenne zuegluege. derbi waerde die umzueg vo klimbernder musig begleitet, u d roeicherstaebli si meischtens ou nid wit waeg.
jede morge due d indonesier opfergabe a de gfaehrleche steue verteile. derbi wei si die boese geschter mit em rouch vo de staebli vertriebe u die guete geischter wecke. die *choerbli* liege meischtens a de unmueglechschte steue, wo mir tourischte doch immerwieder dristogle.
ueberau wo in bali haerefahrsch, gsehsch die wunderschoene risterasse. irgendwie isch das eim vorhaer gar nid bewusst gsi, dass da so viu herti handarbeit derhinger steckt, wo die ganzi familie mitwuerkt. wo dr padi de ou no het ghuufe ris abschlah, hei die iheimische waeuts froeid gha u chlie choenne pouse mache.
in tulamben si mir bim ne 120 meter frack go touche. es si vo de beschte touchgaeng gsi, wo mir jeh gmacht hei. u es isch es spezieus erlaebnis gsi, wenn die einzelne teile no erkennsch und weisch, dass das schiff im 2 te waeutchrieg gsunke isch.
uebere oschte, wo d landschaft starch praegt isch vo de ehemalige voukanusbruech, si mr de wider zreugg i suede gfahr. in nusa dua, wo aui luxusbunker ihres deheime hei, hei mir mit mueh u not bire naette familie e biuigeri ungerkunft gfunge. so fraech wie mir si, hei mir aber vo dene luxusresorts profitiert u hei uesi tuechli vordranne, a de beschte plaez usbreitet. ohni witeres si mir de i die alage inetschaupet u hei die sanitaere alage benuetzt. d indonesier hei das zwar gnau gseh, aber die getroue sech nuet zsaege. lieber laechle si di eifach ah u mir laechle naett zruegg.so louft das hie:-)hie isch d ebbe u fluet ou sehr starch, aber mi cha glich dr ganz tag bade u d straend si wunderschoen u breit.
die letschti wuche hei mir ues in kuta, bzw. seminyak no es schoens bungalow gleischtet. i daem tourischte ort hei mir fuer 6 taeg es surfbraett gmietet u hei jede tag fliessig guebt. dr padi het sech am schluss scho i raecht grossi waeue gwagt, wos ne maengisch heftig ueberschlage het. bali bietet fuer aui surflevels sehr passendi waeue. fuer ds dani isches perfekt gsi, im schum vo de ehemalige riisige waeue dr schwung mitds naeh u d profis finge z.b. a dr kuescht vo ulu watu eine vo de beschte surfspots vor waeut. fuer ues isch das ungloublech, dass sech da oepper i die 5 meter muhre ihnewagt. mir hei dert stunde zuegluegt u hei zyt so richtig vergaesse.
so, das waers gsi vo bali.Fazit: e schoeni insle, wo viu bietet u me mit em roller am meischte cha gseh.
liebi gruess
mr. ketut und ms katut

Bali -Teil 2

2009-06-09T03:21:00.000-07:00

hi zaeme
wo schaerers si hei greiset, si mir ds nati go bsueche. ds nati isch e ehemaligi schueukollegin vom paedu, wo uf bali usgwanderet isch. mir hei bi ihre uebernachtet u si het ues paar gheimtipps vo bali choenne zeige. so si mr z.b a ne wuderschoeni chlini bucht gange, wo no ueberhoupt nid touristisch isch. dr sunneungergang hei mir bim bekannte ulu watu taempu gseh, wo vo affe extrem bewohnt wird. innert chuerzui hei mer dert mehreri mau gseh, wie die cheibe affe blitzschnaeu de touris d brueue u ohrepaenk klauet hei u die verboge u mit so richtig schadefroeid kaputt gmacht hei. irgendwie si ues die affe nid so ghuer. feur i die taempualage mues me immer e sarong alege. das isch das violette jupe, wo dr padi anne het. steit ihm no guet, oder ?
am schluss si mir de no a jimbarabn- beach go aesse. dert chasch dr frueschischt u feinscht u biuigscht seafood vo bali aesse. wunderschoen usegstuehlet, diraekt am strand, mit cherzli u musig,...eifach dr hit.
die naechschte tage si mr mit em roller sozaege fasch i jede egge vo bali gfreset. da mir its nuemm zyt hei feur witer ds schribe, hei mr numme afang die erschte foeteli vo ungerwaegs.wie z.b. dr bratansee oder e fischer wo sis glueck versuecht in lovina. mir verspraeche oeich aber, dass mir in bangkok nomau e blog vo bali schribe. mir fluege naemlech am 23.6 uf bangkok zruegg u hei dert no 3 taeg, bevor mir de am 26.6 its flugi stige fuer richtig switzerland.
auso dir liebe, mir hoffe dir verfouget ou no die letschte reisebrichte vo ues.
bis scho ganz gli gli wider.mir froeie ues extrem uf oeich.
beschti gruess us bali.
die 2 scho fasch heireisende:-)

Bali Teil 1

2009-06-08T20:41:00.000-07:00

hallo liebi luet
am 25.5.09 hei mir paedus eutere in bali doerfe traeffe. aextra fuer ues hei si 2 wuche ferie buechet u hei die laengi reis i agriff gnoh. mir hei ues riisig gfroeit ueber dae hoech bsuech u hei die taeg mit schaerers sehr gnosse. uf daem waeg:merci nomau viu mau.
chum si mir acho si mir so richtig schwizerisch begruesst wore. uf uesem gmeinsame baukon in hotel shanti in sanur hei mr salami, feini sauberbacheti schoggichuechli(merci nici), ragusa, u no viu meh choenne aesse u natuerlech hei mr derzue g aperoelet.
die naechschte tage si mr zaeme das schoene u viusitige bali go entdecke. a dr weschtkueschte vo bali, wo mir ueses hotel hei gha, isches eher e chlei ruhiger. d straend si ziemlech schmau u zum bade mues me frueh its wasser, da ab em mittag sech ds wasser waeg dr starche ebbe sehr zruegg zieht. im suedoschte vo bali liege die bekannte surferorte. d waeue choeme da meterhoech derhaer, wos fuer surfprofis, aber ou fuer afaenger es aechts paradies isch.da si de ou die tourischteorte. u wos tourischte het, si ou die ufdringleche verchoeifer. niene uf ueser reis hei mr das so schlimm erlaebt wie its hei in bali. mi cha keni 5 meter loufe, scho wirsch vo aune site aghoue ob nid doch es cheteli, es wickutuech, e houzschnitzerei oder irgend e plunder wosch choufe. das isch maengisch aecht astraengend.
weme ou numme chlei its zentrum vo bali fahrt gseht me sofort u ueberau die schoene riisterasse. jedi einzelni stude wird da vo hang i bode ihne gsetzt. u die meischte faeudarbeite waerde ou no mit dr hiuf vo de wasserbueffle erledigt.
witer si mir ou i kunst vo de balinesische taenz igfuehrt worde. aus zueschauer gseht das ganze rituelle showspiu sehr spannend us. die taenz beinhaute gschichte u taenzer sauber faue zum teil irichtig in trance. natuerlech isch aues immer straeng verbunde mit em hinduistische gloube, wo hie uf bali sehr presaent isch. ueberau cha me die schoene taempualage go bsueche.
ir 2 te wuche si mr mit de eutere schaerers wie richtegi travellers mit de ruckseckli umegreiset.ds erschte ziu isch d gili trawangan insle gsi. die sehr chlini insle hei mr mit em velo i 2 stung umrundet gha. hie hei schaerers aendlech mau chlei zyt gha, i ligistueh ds lige u ds relaxe. aber scho 2 tag speter si mr uf d lombok insle. am senggigi beach hei mir ues es wunderbars plaezli igrichtet u heis ues wider einisch meh, la guet gah. dr strand hie isch wunderschoen u ds meer sehr klar mit viune farbige fischli.
dir gseht, mir heis sehr guet gha zaeme u ou viu erlaebt. umso meh isches de chlei hert gsi, die 2 wider la id schwiz la ds reise. aber mir choeme ja scho baud nache. i ganau18 taeg stoeh mir ou am flughafe chlote.
bis denn gniesse mrs its no in bali u frese mit uesem roller im zueg ume.
dis gli
liebschti gruess patrik und vanila

Loas-vo Luang Prabang zu de 4000 Isand

2009-05-20T02:24:00.000-07:00

Aendlech maeude mir ues widermau, hallo zaeme

mir hei 2 1/2 wunderschoeni wuche in laos verbracht. vorauem dr Norde vo laos het ues extrem guet gfaue. die saftig gruene landschafte mit dene wite riisfaeuder, d bueffle wo frei drufumeloufe, d luet wo schaffe, aues zaeme git eifach es wunderschoens biud ab. mir hei oefters e roller gmietet u si mau its gruene usegfahre u hei dert schoeni begaegnige gha mit de iheimische u idruecklechi biuder igfange. obwouh dass die oberliebe u hiufsbereite luet chum aenglisch choei, hei si doch immer versuecht dir oeppis ds erklaere. mir hei maengisch glachet ueber uesi veraenkige, we mr mit haeng u fuess mitenang versuecht hei ds kommunkziere.

Vang Vieng:

Das Dorf isch vorauem bekannt feur ds tube. mit em ne gummireif chasch da dr fluss abtuckerle u bi jeder bar geisch go ichehre. auso es geit hie vorauem ums trinke. jedi bar het de sini irichtige mit schwingende liane u spickbraetter u sprungbraetter. die ganzi sach isch its ir trochezyt sehr gfaehrlech,da dr fluss fasch kei wasser het. so si vor 1 monet grad 2 israeli gstorbe. mir hei maengisch muesse d ouge zuedueh u hei nuemme choenne haereluege. zwar isch die sach spassig, aber aebe gfaehrlech.

Vientian:

Mit em bus si mir naer witer id houptstadt. dr hoehepunkt vo dere stadt isch ueses hotelzimmer gsi. im ne nigunagunoeie 5 start hotel si mir logiert u hei widermau dr tv gnosse.hihi, das doehnt jetz chlei komisch, aber wenn 11 moenet nie e fernseh hesch,...u usserdaem isch ds waetter raegnerisch gsi, so hei mr mit guetem gwuesse choenne umeligge u widermau d seele la bambele.

Boulaven Plateau/Tadlo:

Mit em schlafbus mit konfortable bett dinne si mr i witere 10 stung uf pakse gfahre.vo dert us si mr its landesinnere zu de kafi-banane-plantage u risfaeuder. dae abstaecher het sech wuerklech glohnt u mir hei einisch meh ds reale eifache laebe vo de laote gseh. mit em roller hei mir chlini abglaegni doerfli bsuecht, wo mir innert chuerzi e trube vo ching um ues hei gha. si hei de zersch mau i ihrem laebe e fotoapparat i de finger gha u wiud umeknipset. isch so haerzig gsi.

4000 Island:

nei, das gloubet dir nid. mit em ne chlei groessere tuk-tuk mit site-houz-baenkli si mr i 4 stung vo pakse uf don det gfahre. sone fahrt hei mir no nie erlaebt. woeu dr ganz bode mit prau gfueuhte riisseck bedeckt isch gsi, het me scho mau d chnoei fasch bim chini obe gha. au 2 meter si noei luet inecho, obwous eigentlech scho lang kei platz meh het gha. uf em dach isch ca. 3 meter hoech gepaeck u aues muegleche ufbiget gsi u so abunge, dass au 3 km wider oeppis isch obenabe gheit.u hinger uf dr ablag bei mr no es soeili gha, wo sech waehrend dr fahrt befreit het u ab isch. u wenn mr im ne dorf ghaute hei, si innert 10 sekunde ca. 30 verchoeiferinne ums tuk-tuk gsi u hei dr die supergluschtige kakerlake- u hoeiguemperspiessli fasch ids muh gstosse. die fahrt isch spannender gsi aus e krimi.aber schlussaendlech si mr doch no acho u hei 3 tag uf dene insle im mekong fluss verbracht.

its si mr wider zruegg in bangkok u am 25.5 fluege mir uf bali u traeffe dert padus eutere.

auso, hopp de baese u duet fliessig die letschte blog laese

dicki umarmig

lisi u bisi

Laos:Vo Huay Xai nach Luang Prabang

2009-05-10T06:29:00.000-07:00

sabadi (so spricht me hallo in lao us)

Gibbon-Experiance:
Vo thailand us hei mir i 2 minute mit em boetli dr mekong river ueberquert u scho si mir in laos gsi. mit viu gluck hei mir bim staendig usbuechete gibbon experiance choenne teilnaeh. da 2 amis si chrank gsi, hei mir spontan ihri plaetz choenne ihnaeh us hei so 3 super taeg im raegewaud verbracht. mit em 4 wd si mr nach 2 stuendiger sehr rabiater fahrt zu uesem usgangspunkt cho. das isch es chlieses doerfli gsi, wo si no wie zu pfaubouers zyte laebe.

ds luschtige a dere tour isch gsi, dass mir i 40 meter hoechi im ne boumhus hei gwohnt. uesi 25 quadratmeter si usgrueschtet gsi mit 5 matraze, em ne chline chucheli u es chlises bad, wo mit tuecher isch abtrennt gsi. auso wenn drs gneuer weit wuesse, ds wc isch eifach es loch gsi u wenn gschaeftlet hesch, isch d war nach 5 sekunde unger ufpraut.hihi. nume mit ziplines het me ueses huesli erreicht u mi isch mit em ne hoelle tempo driihne gsuset. uesi mitbewohner si naebscht insekte u ratte ou die giftgrueni schlange gsi.

Luang Prabang

Nach ere 12 stunge busfahrt si mir i dr aute franzoesische koloniaustadt luang prabang acho. d stadt, mit dene viune haerzige kaefeli u beizli het ues vo afang ah guet gfaue. und es het widermau feins brot gaeh,...(nici mir froeie ues scho uf d zuepfe am flughafe)bire taempubesichtigung hets ds daneli de iheimische froue ghoufe gabene fuer d moenche bastle. u am 6 am morge si mir go luege, wie di ca. 200 moenche i reih u glid si um ihres taempuareau gloffe, u wie die kniehende iheimische ihne die gabe uebergaeh hei. isch sehr e stieui aglaegeheit gsi, da niemer es wort het gseit.

ei tag hei mir e usflug zum ne u schoene wasserfau gmacht. dert hei mir im agnaehm chaute wasser i de schoene naturpools ues choenne abchuehle( da mir ca. 38 grad heiss hei)

auso was mir bis its in laos gseh u erlaebt hei, het ues super gfaue. mir hoffe, es geit so witer.

oukidouki, bis gli uesi kollege.

es gruessli vo oeine fruende

Thailand-Vo Krabi nach Chiang Mai

2009-05-02T04:21:00.000-07:00

salutti a tutti

Krabi:

Nach Phi Phi Island si mir uf ds Feschtland zruegg u hei ues feur paar taeg in Krabi ignischtet. dert hei mir wider fuer 1 tag e roller gha u si zu de naheligende schoene straend gfahre. gaege abe hei mir de no 1793 staegetritte gmeischteret u si bachnach bi daem goudglaenzende Buddha acho. aber d usicht het fuer aues entschaediget.

Eigentlech waer uese Plan gsi, vo Krabi uf d similan island ds gah. mir hei troeimt, e touchtrip ds mache u die mantaroche ds gseh. usserdaem si die 9 insle die schoenscht vo thailand, seit me. aber aebe, es iisch bim ne troum blibe. wo mir nach 5 stung busfahrt bim hafe usgangspunkt si acho, hei mr d plaen muesse aendere. die naetti dame vom touribuero het ues gseit, dass dr monsun im azug isch und sit em vortag aui touchschuele waege 2 meter waeue saisonschluss gmacht hei. naja, paech gha u im letschte blog ds frueh gruehmt, vo waege dass mir nuet merke vom monsun. so hei mir no am gliche tag e bus verwuetscht quer duer ds land u si ad oschtkueschte uebere ghoenteret.

Koh Phangan

feur 3 naecht si mir uf dere bekannte voumondparty-insle gsi. dank em tipp vom rebi u saendu hei mir aber daem trubu chlei choenne uswiche u si bim ruhige coral bay resort glandet. mir hei ou da wider e roller gha u si 2 taeg lang (bis mir wundi fuedli hei gha) uf dene superguete strasse umebruset:-)aber mir hei ou da wider genial strand gseh wie us em biuderbuechli.

Koh Tao

Mit em Boot numme 1 1/2 stung fahrt u scho isch me ds Koh tao. mit glueck hei mir es super touchrsort gfunge u hei dert eis vo uesne schoenschte bungalow gfasset. e chlei im huegu obe mit ere gigantische meersicht vom riisige Baukon us. de isch ja klar, dass mir sofort uesi haegematte gspannte hei u ds aperoehli isch ou nid ds churz cho:-) jede morge si mir am 7.00 puenktlech fuer e touchusflug parat gstange u naer si mr ab ufs boot. d ungerwasserwaeut isch sehr schoen gsi, aber leider hei mir nid wie erhofft e wauhai gseh...

Chiang Mai

ueber Bangkok si mir i norde vo Thailand uf chiang mai. mir si numme ca. 24 stung im bangkok gsi u hei dert 1-ne vo uesne grosse ruckseck glagere . mir choeme ja i 1 monet wider uf bankok zruegg u so hei mir, bzw. ds dani chlei weniger zum buggle.

its si mir auso in chiang mai u hei natuerlech ou dr chochkurs gmacht wo dr saendu, d ingrit u dr bjoern:-)auso mini liebe, mir wei de teschte was dr no aues wuesset. was feur nes soesseli chunnt its its pad thai, wie macht me fruehligsroue?hihi, isch e luschtige kurs gsi u wos bim padi numme groeichlet het, hets bim dani e riise stichflamme gaeh.

e touriusflug hei mir ou gmacht. vom elefanteritte si mr naer witer zum ueber bambus-rafting u der hei mr e bsungers guete guide verwuetscht. am nami si mr de no zu de sehr idrueckleche thailand long neck froue gange, wo vo burma haerchoeme. mit 5 jaehrig bechoeme si dr erscht reif ume haus u je euter, desto meh ringe hei si. so isch ihri hausmuskulatur voellig abboue und nach em entfaerne vo daem hausschmucke choei si dr chopf gar nuemm sauber ha. mit de ochse si mr i nes witers doerfli u dert mir ds lassi-baergvouk gseh. die si urspruenglech vo suedchina. trotz dass es e touriusflug isch gsi, isch es sehr e idrueckleche tag gsi.

morn goe mir its witer uf laos. mau luege was ues dert so erwartet.

ganz liebi gruess

deluex-choch und bambus-guide

Thailand Inseln :Koh Lipe/ Koh Lanta/ Koh Phi Phi

2009-04-20T06:34:00.000-07:00

auso, da si mr scho wider.hallo zaeme

mir si sit 1 wuche in thailand uf de verschidene inseli ungerwaegs u gnisse ds bade, ds schnorchle u ds guete thai esse. bis its merke mir gar nuet vo dr monsun-zyt. im gaegeteil, mir hei extrem heiss u villech maengisch oeppe es liechts raegeli i dr nacht.

Koh Lipe:

wie scho erwaehnt im letschte blog si mir vo malaysia diraekt uf koh lipe mit em boot. waeg em thai- noeijahr isch die insle vou gsi mit thais u es isch extrem schwierig gsi, no es bungalow ds becho. mit glueck hei mi

r de doch nid ir haengematte unger freiem himmu muess

e pfuse. das inseli isch ziemlech chli u mi isch i 15 minute drum gloffe. i de letschte monet si dert d hostel u d

reschtaurand wie piuze usem bode gschosse u drum fingt me ussert em ne bankomat

aues uf daem flaeckli.uf uesem schnorchuusflug hei mir naebscht de thais, wo im wasser mir ihrne orange schwuemweschte umetribe si, doch no die bekannte farbige

softkoraue gseh. u zersch mau hei mir dert e riise quaue entdeckt.auso die insle choei mir wuerklech witer empfaehle. goet eifach nid am ne feschttag vo de iheimische..

Koh Lanta:

nach ere 6 stuendige bootstour si mir im ne naechschte paradies glandet. ou hie si aui straend wuerklech sehr schoen u meischtens ou suber. mir hei fuer 9 fr. es super bungalow gfunge bi ere sehr naette u hiufsbereite familie. bi uesem rollertuerli si mr wider um die haubi insle u hei vilie schnapschuess vo de chline winckeli i de doerfli choenne mache. leider isch gaege abe ues dr pnoe platzt u so hei mir uesi route muesse aendere u zur naechschte reparatur-steu fahre. mir si nume froh,si mr nid ufe schnouz gheit.

Koh Phi Phi:
u de si mir no uf die ganz bekannti phi phi insle. sit dr leonardo di caprio dert im fium The beach gspiut het, ueberlouft die insle fasch vo tourischte. mi mues ou mau saege, dass die iheimische nach em tsunami aues wider bigobello ufbue hei u weme nid wuesst, dass die insle betroffe isch gsi, wuerd me gar nuet merke. au abe hei mir dert e wunderschoene sunneungergang gseh, wo kitschiger gar nuemm choennt si.

auso dir gseht, mir choei nid chlage, ues geits wuerklech guet. gruess chang and singah

Malaysia-Lankawi Island

2009-04-20T06:04:00.000-07:00

hallo zaeme

die letschti station vo malaysia isch d insle lankawi gsi, wo ar graenze zu thailand ligt. uf dere insle chasch aues duty-free ichoufe u so hei mr fuer nes bierli grad mau 15 rp. zaut. mir heis zum ne luschtige zytpunkt breicht, da a daem wuchenaend ds wassersport-festival het stattgfunge. dr strand isch uebervou gsi mit lokale luet u ueberau hei si gspiut, gmaetschlet u glachet. mir si daem tribe chlei go zueluege. am naechschte tag hei mir aber de e roller gmietet u si um d insle boerret. mir hei wunderschoeni straendli entdeckt u immer wieder es baedli zwickt. ungerwaegs si mir vilne affebande begaegnet. nid aui si so fruendlech gsi wie die gruppe uf dene foeteli. einigi hei ues fuchend u zaehenezeigend agriffe u mir si sofort abgfreset. wo mr duere dschungu gfahre si, hei mr sogar no e 2ti affesorte entdeckt, die hei sech aber nid so gaern la foetele.

vo lankawi us si mr diraekt mit em boot uf thailand gfahre. auso mi mues da no erwaehne, dass si ersch 5 minute vor abfahrt hei gmerkt, dass ds boot gar nid funktioniert u drum hei mir stunde a daem hafe gwartet...Hihi

guet, de bis gli. tschaegg u waegg diga und lima

Malaysia-Cameron Highlands

2009-04-07T03:12:00.001-07:00

selamat liebi luet
im momaent si mir grad im hoechland vo malaysia u gniesse die frueschi chuehli luft. mir hei ca. 20 grad u am nami duets meischtens chlei ragene. huet hei mir e tour gmacht, wo ues id faeuder vo de teeplantage gfuehrt het. die haktarewite faeuder gseh super us u schmoecke duets extrem guet. ueberhoupt wird hie viu ahpflanzet u dr bode schient sehr fruchtbar ds si.
morn goe mir aber scho wider witer richtig meer u plane langsam, fuer uf thailand witer ds reise.
teeschmockerligruessli vo gua und mesang

Malaysia-Jelawang Jungel

2009-04-07T02:27:00.000-07:00

Gugus us em raegewaeud
am 5.30 isch ues der BOB, uese privat guid in kota bharu cho abhohle u mir si mit em fuerchterlech stinkende disu-dschungu-zug nach dabong gfahre. dert hei mir die grosse ruckseck im ne guesthouse choenne deponiere u si mit chlinem gepaeck richtig dschungu gloffe. Entlang vom laengschte wasserfau vo sued-oscht-asie si mir bis zu uesem camp gloffe. der waeg isch teilwis sehr verwachse gsi u mir hei ues mit em maesser muesse duereschlah. d hitz het eim fasch erschlage u so si mir froh gsi, hei mir zwueschine i die naturpools choenne go bade. ds camp isch am ne wunderschoene ussichtspunkt glaege, wo mr wiit uebere dschungu het choenne luege. auso wenn de luxus suechsch mit em ne guete bed, gueter chuchi u wc u keni mugge, de bisch hie definitiv faeuh am platz;-) drfuer bisch umgaeh vo viune tier u es isch natur pur. u dae waud isch so bewachse u so verschlinget, das isch eifach dr wahnsinn. am morge hei ues aube d gibbon-affe mit ihrem gschrei gweckt, aber ds gseh hei si sech nie gaeh. ueberhoupt isch es extrem schwirig tier choenne ds beobachte, so hei mir leider vo de elefante u tigere numme fuessabdrueck u schisse gfunge. gaesse hei mir meischtens fruesche fisch, wo d maenner bim speerfische verwuetscht hei. dueschele, zaehnputze u abwaesche hei mir im wassefau, bzw. i de pools erlediget. insgesammt si mir 3 taeg im dschungu umegirrt u hei vo uesem guid viu glehrt. es isch e super zyt gsi u es het gfaegt, widermau back to basic dsi. so, dir gseht, ues geits guet u malaysia gfaut ues wuerklech sehr guet.
ufiderluege tarzan und jane

Malaysia-Perhentian Island

2009-04-07T02:08:00.000-07:00

Hi again
vom 29.3-am 2.4.09 si mir uf dr small perhentian island gsi. die erschti nacht hei mir im chline petani beach hostel verbracht. ueses bungalow isch diraekt am einsame u ruhige straendli gsi. bim husriff hei mir bim schnorchle innert 5 minute ca. 20 schwarzspitzhaie um ues kreisend gha. zum glueck hei die nid gaern schwizerfleisch....die naechschte 3 naecht hei mir im brandnoeie shari-la hotel verbracht. das isch am coral-bay u dert isch de chlei meh gloffe u hets meh touris ume gha. spontan hei mir ues entschlosse ae naechschte touchkurs ds mache u so si mir its advanced diver. dr night-dive isch es spezieus erlaebnis gsi u mir hei au die nachtaktive tier choenne beobachte u mau ou gseh, wie d fische schlafe.
auso, bis bau wider. liebi gruess dilarang und merokok

Malaysia: Redang Island

2009-03-28T03:05:00.000-07:00

tschau zaeme

mit em bus si mir quer duer ds land gfahre u nach 4 stung vo kuala lumpur in kuantan acho. dert si mir mit em public bus witer uf cherating. das isch es eher verschlafnigs chlises oertli, wos chum tourischte het; ussert wenn monsun- zyt isch, denn tuerme sech d waeue sehr hoech u de choeme d surfer i schare derhaer. aber waehrend ueser zyt isch ds meer spiegu glatt gsui u d strasse eher vo affe benuetzt u so si mir nach 1 nacht witer uf die hammer redang island. (aui foeteli vo daem bricht si dert gmacht worde.) mir si fuer einisch i nes luxus resort gange u heis ues dert la guet gah. ds meer isch sagehaft schoen u suber gsi u es het eim eifach agmacht zum schnorchle u touche. so si mir uesserscht saeute uf em ligistueh glaege u hei stunde im meer verbracht, bis mir fasch schwuemmhuet hei becho. bim touche hei mir e leopard- hai gseh u dr padi het sech wider ungloublech noech haere getrout. u bim schnorchle hei mir de das schoene nemo- foeteli choenne mache. d koraue si waeg der monsun-zyt, wo bis im maerz duret, no nid es o farbig gsi. aber fisch hets i schare.
its goe mir de uf die naechschti insle u de ghoeret dir gli wider vor anda und em sedang.......(HIHI, mir si gloub die einzige wos luschtig finge mit dene naeme)

Malaysia- melaka und kuala lumpur

2009-03-23T04:34:00.000-07:00

hallo mitenand

nach dere guete zyt in singapore hei mir glich mau witer muesse. ueses naechschte bsuecherland isch malaysia u mir hei ir handusstadt melaka agfange. die eher chlini u uebersichtlechi stadt eignet sech sehr guet, um bi dene asiatische verhaeutnis chlei dri zcho. so hei mir i de erschte 2 taeg scho vili sache gseh u erlaebt, wo mir vorhaer no nie gseh hei.
z.B die velotaxis hets wi sand am meer u dene ires Motto isch: umso kitschiger gschmueckt u lueter d technomusig isch, desto besser isches.
Am wuchenaend heisi in melaka immer e grosse maerit im chinatown viertu. doert fingsch aus wos git u ds meischte isch extrem guenschtig.aesse chasch problemlos bi jedem strassestang fuer 2 fr.

vo malaka us fahrsch 1 1/2 stung mit em bus u naer bisch in kuala lumpur.die 1,5 milione ihwohner houptstadt isch sehr viusitig u kluft zwuesche modern und autmodisch het ues sehr riesig duenkt. so isches in chinatown eher chaotisch u ziemlech schmudelig und um die gigantische petronas twins isches sehr suber. aber aus i auem gseh isches sehr e interessanti stadt u es paradies fuer aui ichoufsfruende.

so, bis gli wieder u gniesset dr fruehlingsafang.

auerliebschti gruess us malaysia

lung mee und char keow

Singapore

2009-03-20T08:30:00.000-07:00

hallo liebi fruende

us geplante 4-5 taeg si in singapore 1 1/2 wuche ufenthaut worde. mir hei ues bi uesne fruende, bir melanie und dominik, so schampar wouh gfueuht, dass mir fasch nuemme hei witer woeue. d melanie het ues duere tag jewils duer d stadt gfuehrt u ues suveraen d sehenswuerdigkeite zeigt. so si mir vor ichoufsstrass orchard road, ueber e botanisch garte, singapore zoo, china town, little india, arab street, .. ueberau haere cho. u d stadt isch wuerklech schoen u sehr, sehr suber. u super organisiert. u mi mues hie no erwaehne, dass die singaporianis nie e schritt ds viu mache. fuer aues gits hie e routraeppe oder me nimmt de ds taxi. aber bi dere schwueu warme hitz hei mr das no choenne nachevouzieh. auso ohni raegeschirm umgwandlet aus sunneschirm heschs hie ar braentende sunne fasch nid usghaute.

dr dominik het nachem schaffe dr padi in sportlecher hinsicht usegforderet. es isch sowit gange, dass am abe jewils indoor ping-pong maetschli uebere aesszimmertisch hei stattgfunge oder das die 2 herre zwuesche de waertvoue vase vor melanie hei tennis gspiut. bim jasse si die 2 maenner aber eis team gsi u bim gschlaechterkampf si d resultat fair u usgliche fuer beidi parteie usgfaue. (zwueschine isch villech minim pschisse worde)je lenger dr abe, desto maskierter si mir am tisch ghoecklet u desto luschtiger isch es worde u de het ds ustricksle ou kei roue meh gspiut.

nach 9 moenet reise hei mir a dominiks geburi es raclett gnosse. das gloubet dir nid wie fein das gsi isch. mit aechdem emmi schwizer chaes u mit richtige zibeli u guerkli. mi lehrt hie im usland ds schwizer aesse so richti schetze u mi fahrt oeppe es umwaegli, numme dass me schnaeu bim schwizer metzger verbi cha u super cervelats u bratwuerscht cha ichoufe,mmmhhhhh. ah u zweifel chips hei mir ou becho u emmi joghurt, schwizer muesli,....mi bechunnt dert eifach aues.

its saege mir nomau ganz haerzleche dank zu uesne super gaschtgaeber u haebet sorg zu oeich.

liebi gruess us asie vor prata und em mutaba:-)

Perth und Rottnest Island

2009-03-15T23:09:00.000-07:00

hallo zaeme

die letschte taeg in oustralie hei mir in perth city verbracht. im kings park und im

botanische garte si mir bi schoenschtem waetter umgschlenderet u hei die wunderschoeni usicht gnosse. perth isch e schnäuläbegi u viusitegi stadt, aber bi dene heisse temperature si mir de doch lieber ads meer zruegg.

am scarborough beach hei mir de fuer 4 naecht im ne hostel i checket u hei dert vorauem baedelet u gsurfet. waers gloubt, aber mir hei das aute surfboard am schluss no choenne verchoufe.vo dert us hei mir de e tagestour gmacht uf d rottnest island. mit schnorchuequipment im gepäck si mir um die insle gradlet u hei a de schoene buchtli gschnoerchelet. immerwider het me die zuetrouleche quakkas troffe. eifach knuddlig sie chline rateschwanz- kängeruh.

mou, de ghoere mir ues gli wider

liebi gruess

colers and woohlwords

Vo perth bis nach shark-bay

2009-03-06T21:35:00.000-08:00

hallo zaeme
da mir ca. 1 wuche fruecher aus planet ir region perth si acho, si mir no grad chlei noerdlech gfahre. ueber fremantle, cottesloe-beach, scarborough, mullaloo-beach si mir die erschte tage bis zu de pinnacles. das si die chauchsangsteine, wo stramm naebenenang wie soudate im sang stoeh.bim sunneungergang isch die stimmig dert umbeschriblech schoen worde.ueber geralton si mir de witer bis zum kalbarri nationaupark. dert hei mir das obligatorische tourischtefoeteli gmacht u si its nateurleche steifaenschter ineghoecklet. dae park isch aber scho einzigartig u d gaegend isch fasch numme rot. wenn eifach die floeige nid waere, die maches eim z verleide. waer schomau hie isch gsi weiss vo was mir schribe. es isch unbgloublech, da schwirre dr 100erti vo dene chline bischter ume chopf, its muh, id naseloecher, d ohre,....drum het dr padi churzum sini ougebindig aus muhschutz umgwandlet, so dass aer wenigschtens proteinfrei het choenne rede. 1 tag speter isch das kaengeruh bim shell- beach entstange. dert chasch bis ca. 10 meter toeif abegrabe u du gsehsch nuet usser muescheli. bim eagele bluff, e ussichtspunkt vom shark-bay, hei mir de no hufe haie choenne zueluege, wie si duer ds wasser gschwumme si. dert obe hei mir draeit u si de wider zruegg zum scarborough-beach. dr paedi, mit sim noeie neoprenazug u mit em surfbraett hesch fasch nuemme usem wasser usebracht. unermuedlech isch aer am waeue surfe. u es klapptet scho veiechlei guet. mit em budi, e schueukolleg vo mine eutere wo ir nechi vo perth wohnt, hei mir mit em boot mitdoerfe ufs meer use. u bir e chline insle hei mir autbekannti tier troffe, u gaegesitig hei mir ues koeschtlech amuesiert. letscht fritig, am 6.3.06 hei mir de chlei mit wehmuet ueses geliebte busli abgaeh u its heissts wider ruckseck a ruegge. mir hei mit daem charrli doch 15000 km abgspuehlet u aer het ues zueverlaessig duer oustralie bracht. natuerlech ou numme dank em guete fahrer padi.scho glie fluege mir its uf singapore u mir froeie ues riisig uf dae letscht teil vo uesere reis.
auso, machets guet u haebet sorg.
bis gli robin und hood

vo Albany nach Fremantle

2009-02-24T20:12:00.000-08:00

hallo zaeme

Vo albany us si mir i die Gigant tingel tree gaegend cho. bim tree top walk si mir uf dr hoechi vo de boumchrone ueber d haengebruegg gloffe. die bis zu 60 meter hoeche u bis 400 jaehrige aute boeim si sehr imposant u da stuhnet e ehemalige gaertner immer wieder. natuerlech isch dr paedi ohne problem dr diamant tree ufeklaetteret. ds leiterli besteit numme us armierigsise wo si i boumstamm inegschlage hei u me isch ungsicheret, auso gar nuet fuer luet mit hoehenangscht. ds dani het nach grad emau 10 meter umdraeit u haerzchlopfe gha, bis dr padi wider uf feschtem bode isch gsi.
dr naescht haut isch top wy- u surfregion vo australie gsi. im margaret river hei mir ues sehr wouh gfueeut.duere tag simer i de waeue gritte u am abe hei mr dr wy ueber d zunge la gleite. dert hei mir am strand ou die riise roche gseh. solang me grad nid i stachu stoglet, mache die eim ou nuet u dr paedi het das gschlueder sogar aglaengt.
a dr schoene kueschte entlang si mir de witer uf Bunbury. dert hei mir vom strand us wider 100erti vo delfnie gseh. die choemme bis ca. 20 meter noech a beach oder bis i hafe ihne.
ueses charli isch de mit viune zwueschehaeut bis nach fremantle.i dere stadt hesch e lockeri, ufgsteuti u bunti atmosphaere u es paesslet eim grad vo afang ah.
so, dass waer widrmau es churzes brichtli gsi.
liebschti gruess billabong und roxy

vo Adelaide nach Esperance

2009-02-12T21:45:00.000-08:00

halloechen zaeme
2 tae si mir i dr kunscht-u kulturstadt adelaide gsi. i de strasse, wo schachbraetterartig aglideret si, het mes bi 45 grad fasch nid usghaute. so het ds dani dr paedu mau fuer einisch ohni ds stuerme i die klimatisierte laede inebracht.um d innestadt ume si aues parkalage u dank em torrens river, wo sech duerduer schlaenglet, hei mir d orientierig pautet u wider zruegg zum campingplatz gfunge.mit dr anahm, uf yorke peninsula sigs de chlei chuehler, si mir aber no i die groesseri hitz inegrasslet. dr wind isch so heiss gsi, wie we me e foehn vou power wuerd la louffe. ohni seich, mi het choenne dusche u 2 minute speter isch me ohni abztroechne troche gsi. zungerscht vo dere haubinsle si mir i innes nationaupark, wo mr zersch mau wiudi emu familie gseh hei.dert hei mir ou wider ds glueck gha, mit delfine choenne ds schwuemme. e gruppe vo 30 freie delfine hei ues bim schnorchle ueberrasch u si um ues gschwumme u gumpet.ussert daem nationaupark het die haubinsle aber nid soviu bote.aues a dr kueschte ah si mir de witer uf eyre peninsula. bi dere haubinsle isches vorauem d weschtkueschte mit dene einsame super surfstraend, de klippe, de sandduene, de romantische sunneungergaeng, de naette luet u em guetem wy (loiloiloiloiloiloiloi) dr hammer gsi.da hei mir paar mau uesi noei aschaffig, ds surfboard choenne usprobiere.vo ceduna het die mit ueber 1000 km laengi ueberfahrt vom suede zum weschte agfange.eis gebiet heisst nullarbo, was so viu beduetet wie es het keni boeim meh, u so kau u troche hets de ou usgseh.drfuehr soette hie wiudi kameu laebe. d fahrt het sech de id lengi zoge, vorauem uf dr waeutwit lengscchte 146,6km schnuergrade strecki. aber nach 2 taeg si mir in norman ohni panne u zwueschefaeu acho.
die erschti station ar weschtkueschte isch esperance gsi. im le grad nationaupark hei mir dr wissischt sang vo ganz oustralie gseh u d landschaft hie isch eifach fantastisch.
u uebrigens tobi u vero:ds froeschli isch immer ar front u es het sech no nie verquaket. merci viu mau.
auso liebi fruende.machets guet, bis gli wider.
umarmig vom ruediger u frauke

2009-02-04T16:25:00.000-08:00

hi zaeme.hie widermau es paar biudli u komaentaer vo ues. oustralie isch wuerklech dr hammer.

Kaengeru-Insleobwou mir eigentlech numme uf de befestigte strasse doerfe fahre und ufem feschtland, hei mir e abstaecher gmacht uf d kangaroo island. u eifach ghoffet das nuet passiert:u prompt simer einisch blibe stecke u hiuf brucht vom ne 4 wd:-)
i dr little sahara wirsch fasch schneebling.wit u breit numme wisse sang
wallabys und kangaroo gseht me hie sogar duere tag, aber vorauem bim idunkle. dr paedu het eis riise-kaengeru so usegforderet, dass es d fuescht scho bauet u dr kick scho vorbereitet het. hihi, aer isch de ou schneu drvo ghoeselet.

great ocean road
das dr fahrer ou oeppis gseht hei mr viufach bi de lookouts stoeppli igleit u di geniali ussicht gnosse.

d london bridge, die 12 aposchtle hei sech wunderbar praesentiert. mir hei a daem tag e rekordhitz gha vo 45 grad am schatte u si fasch verloffe. die meischte koalas wo mir gseh hei si i de eukalyptus waeuder uf abschnitte vo dr great ocean road gsi. di tier si eifach dr hammer u mi choennt ne stunde zueluege.
voila, hie gseht dr ueses charli mit zaeutmaenteli. isch das zuckersuess? (da mues ou ds dani mit em paedu its fuerabe-bier, het ja schliesslech ou bierhauter i de campingsitzli)

melbourne
melbourne isch bi ues ganz im zeiche vom roger federer und am oustralien open gstange. mir hei de mit glueck ou no tickets fuere 1/8 finau becho wo mr dr 3 1/2 stundefight zwueschem federer und berdich hei choenne luege. da mir kei fahne hei drbi gha, si mr haut, ganz ungerem moto wenn scho denn scho, ueses gsicht schwizerisch go bemale. HOPP FEDERER!!! zu dame heimer ca. no witeri 6 spiu live gseh. es isch eifach e super stimmig gsi dert u fuer e paedu natuerlech e troum i erfueuig gange.
bis zum naechscchte mau

guress mirka und roger

Oustralie-vo Sydney richtig melbourne

2009-01-23T19:18:00.000-08:00

hallo zaeme

uesi erschte 5 taeg in oustralie hei mir in sydney verbracht. fuer ues isch das eini vo de schoenschte stedt wo mir je gseh hei u bietet fuer tourischte sehr viu. jede tag heimer kilometer abgspuehlet i dr gluehende hitzu hei drfuer ou sehr viu gseh.

ca. 6 km vo sydney entfernt isch dr sehr bekannt bondi beach. bi dene knappe hoesli vo dene loufstaegbibene het jedes maennerhaerz hoecher gschlage. wobie die surferboys si o nid ohne gsi:-) uf jede fau isches e sehr e popoulaere beach.

am 16.1.09 hei mir de ueses chaeppy daerfe i empfang naeh. e brandnoeie campervan wo ersch 15000 km het u super usgstattet isch. mit daem fahre mir its i 50 taeg nach perth. nach de erschte linksverkehr schwierigkeite isch der paedi aber its e rasante u sichere fahrer. so si mir die erschte taeg mit uesem charrli id blue mountains gfahre u hei bi super waetter dr blau schimmernd eukalyptuswaud i daem rise krater gnosse. uebernachtet hei mir dert im busch im tau unger. sogar die erschte kaenguruhs hei mir dert gseh.

a dr oschtkueschte entlang si mir de tag fuer tag richtig melbounre gfahre. mit em camperli isch es isch eifach geniau:chasch haute wenn de wotsch, go baedele oder nume d natur gniesse. uebernachtet hei mir immer sehr spontan bi raschtstettene oder naebewaegli.
auso, mir muesse its go luege fuer tickets fuer e roger federer. mir gaebe aues, dass mir esplaetzli bechoeme fuer ds australian open.

liebschti gruess
gwandolin u cheronimo

Suedinsle Neuseeland

2009-01-09T15:13:00.000-08:00

Kia ora (maori-hallo )
uesi letschti station in Neuseeland:Stadt Christchurch.
Geschter heimer drum es abschiedsgrilliere mit de magic-bus reisende gha.

zersch heimer ues 1 stung im labyrint verirrt u wo mr aendlech bim usgang waere gsi, het dr paedu gmerkt, dass aer d sunnebrueue het verlohre. de hets gheisse wider zruegg i die gaeng und sueche, leider ohni erfoug.nach deam heisi ues no mit ir ne optische tueschige fasziniert. in wanaka im puzzle-world, richtig guet gmacht.
ou in wanaka isch das creative kino gsi. es isch so guet gmacht gsi, dass ds dani sogar dr bond-fium het ertraeglech gfunge.

die fantastischi ussicht het me vom husbaerg us in queenstown.

die schueche u nachtaktive kiwis hei mir leider bis its nume uf schiuder oder i suvenierlaede gsi.

drfuer heimer in oamaru bis zu 300 blaui pinguine und ca. 15 gaeub-oug-pinguine gseh. d blue pinguine si die chlinschte vor waetu u numme 30 cm gross. duere tag due si im meer fische und ca. am 21.00 choeme si zruegg ads feschtland und watschle zu ihrne nischtplaetz u deu verrihre sich bis id stadt ihne.

die wunderschoeni abestimmig heimer am lake tekapo choenne ufnaeh u gniesse

dr paedu het mit sim gump uf daem stei d moeraki boulders grad flachdrueckt. its gseh si nummeno us wie chueflaehre:-)nenei, d steine si numme zur heufti its im sang inne, hei das uebergwicht vom paedu nid moege verlide.

numme dass dr nechs biudlech choeit vorsteue: so steil goe mr aube i usgang. das isch die seilschti strass vor waeut mit ca. 38%gfaeu!!!!

auso, gli geit uese flueger uf sydney.

tschau zaeme

koru and hei matau

Chruesimuesi Neuseeland

2008-12-29T23:40:00.000-08:00

Hello friends
Mir hoffe dir sit aui guet its 2009 gruetscht. wuensche uf daem waeg nomau aune es guets noeis. mir erlaebe hie soviu nachenang, dass mer mau uese blog ufe ne angeri art schribe, bzw. chli meh foeteli ihnedue und die numme churz due beschribe.

das isch dr wunderschoen huka fall, wo jedi sekunde meh aus 200000 liter wasser duererauscht.

wiehnachte mit de 2 thurgouer luc und sonja in nelson. bim ne bbq und mit em ne so richtig kitschige tanneboum.

wellington, die wunderschoeni houptstadt vo neuseeland. dert heimer im ne irish-pup dr daevu troffe, e ehmalige schueukolleg vom duschli (am dani ihri schwoscht)

tongariro alpine crossing:6 stung simer ire schoene voukanlandschaft gwanderet und ues vo dene tuerkisblaue baerseee la fasziniere

in taupo simer vo 12000 feet usem flugi gumpet u hei dr 45 sekunde laeng freifau gnosse. das isch es absolut einmaligs super erlaebnis gsi.

in mitti vor stadt rotorua brodlets,chochets u stinkts us aune loecher. Geysire, kochendi Schlammpools und warmi Thermalquellen gits dert wie sang am meer.
dr park wai-o-tapu isch sehr spektakulaer, woeu dert nomau huffe thermau wunder binang si. die pools praesentiere sich i idrueckech verschiedene farbe.

im franz josef heimer e gletscherwanderig gmacht. es idruckles biud, e gletscher z mitts im raegewaud.

bim ne stunedige spaziergang im westland nationaupark heimer widermau seeloeie gseh.

wenn a dr kueschte bisch gsehsch duehrend so schoen gformeti grossi feuse im meer, wo d natuerchreft hei gschaffe.

see you soon and enjoy the newyear 2009

brit and josh

New Zealand - Nordinsel

2008-12-14T01:23:00.000-08:00

Hallo us Neuseeland

Im gsammte si mir 3 taeg i dr 1,3 millione ihwohner stadt Auckland gsi. dass heisst, dass i dere stadt 1 drittu vo dr ganze landesbevoeukerig laebe. vom sky tower us het me e gigantische usblick uf die hochhueser, bis zum hafe und zur harbour bridge. vo dert us heimer uese reisebus buechet, wo ues its 5 wuche lang im land bequem umeschoffiert. Da chasch fuer einisch ds hirni usschaute, eifach inehoeckle u es wird aues fuer di eledigt. keis maerte meh, du muesch nuemme uf d ruckseck ufpasse, es isch sehr entspannt und 180 grad es angers reise aus in zentrauamerika. da im momaent hochsaison isch u d kiwis ou no grad ferie gniesse, hei mir leider scho fasch die anze 5 wuche muesse duerebueche. mir si its die erschte 2 wuche uf dr nordinsle u die raeschtleche uf dr suedinsle.

Aues erschts simer mit em magic bus (so heisst die buskompanie) nah Paihia gfahre. das isch a dr oschtkueschte vor nordinsle. dert hei mir zerscht mau delfine ganz nach choenne gseh. da i dere gruppe 3 jungtier si drbi gsi, heimer leider nid its wasser doerfe go schwuemme mit ihne. aber die tier mau so noech ds gseh isch scho ueberwaeutigend gsi.

vo dert us si mer ads Cape Reinga gfahre, wo dr noerdlechscht punkt vo neuseeland isch. dert treaffe ds tasmanische meer und dr pazifik sehr im ne wiude waeuegang ufenang. d fahrt derthaere isch sehr klischehaft gsi, wie me sech das vorsteut in neuseeland:aues isch gruen, vili schaefli grase uf de wise, ab und zue chunnt e farm u natuerlech hets viu waud. d kauri-baeum si bis zu 60 meter hoech u waerde bis 4000 jaehrig.
dr rueckwaeg isch sehr eifach gsi. mit em bus simer am 90 meile beach entlang gfahre.e wahnsinns breite und unberuehrte laenge sandstrand, wo aus highway ou cha benuetzt waerde. numme darf me dert nie ahaute, schuesch sinkt me schnae mau ih. bi de riise sandduene heimer de no mit de braetter choenne abbraetsche u me het so buechligse ziemlech es tempo becho.

ues geits auso guet hie in NZ. its wo d wiehnachte vor dr tuere steit wuensche mr nomau aune ganz schoeni feschttaeg u gniesset die freie tage. u a dr gruenstaerngruppe viu vergnuege in zwoeisimme. nicu nimm de dr fixu mit:-)

wiehnaechtlechi gruess

Monika und Baernhard

Fiji Inseln

2008-12-08T21:14:00.000-08:00

bula bula....(hallo, hallo)
Am flughafe vo nadi hei mir aus erschts mau infos vo de fiji insle ghout u de ou grad e 6 tages pass gloest. so isch ues ermueglecht worde, dass mer jede 2 tag hei choenne insle waechsle. leider isch am erschte tag uf em boot scho dr foeteler usgstige, u mir hei muesse uf d handykamera zruegggrife.auso entschueudiget ues, d qualitaet vo de fotos isch haut nid wie gwohnt.
die iheimische, wo aus die fruendlechschte luet vo der ganze waut gaeute, hei ues tatsaechlech wie koenige behandlet u si uf jede wunsch igange. vorauem i uesem erschte resort womer si gsi, si mir die einzige gescht gsi u drum heimer quasi aues choenne wuensche.
d straend uds ds krischtauklare wasser isch genau so wie mir das ues hei vorgsteut, es isch eifach e troum. u we me de no geit go schnorchle, u die ungerwasserwaeut mit daem farbige riff u dene fische gseht, de chunnt me no meh its schwaerme. viu simer mit schnorchu u toucherbrueue im wasser gsi u hei die tierwaeut beobachtet. ussert einisch simer mit de iheimische vom dorf mit go fische u hei miterlaebt, wie die fuer ihres bzw. ueses aesse sorge. numme mit ere harbune usgrueschtet simer zmits im meer bim ne riff uf d jagt gange. mir hei innert kuerzi erstundlech viu fische uf raecht brutali art verwuetscht. vo si de no e hai hei abknaut, heimer vor schreck grad e schluck sauzwasser verschlueckt. u dae hai isch hartnaeckig si:mit 2 harbune mitts duere koerper ischer no 10 minute gschwumme, bis mr ne aendlech uf ds boot hei choenne bringe. aui fische, ussert dr hai, si de naer sofort fuer ds mittagaesse uf em fuer glandet. u sogar ds dani het its gaer fisch.
mir si sehr erstuhnt gsi, dass mer uf so grueni grossi u hueglegi insle traeffe. es het sech geignet fuer go ds wandere u die schoene ussichtspuenkt ds gniesse. ou d sunneungergaeng si absolut spitze gsi , wo mir vo uesne bures (bungalow) hei choenne betrachte.
bis zum naechschte mau, vinaka (danke) a aui u machets guet.
gruess
brauni und vanillstaengeli

Los Angeles bim Nici u Greg

2008-11-28T21:41:00.000-08:00

Am 20 nov. simer in L.A. acho. 10 täg widermau am gliche ort si, aues chönne uspacke u wäsche, u vorauem widermau öper vor familie ds gseh, das isch dr hammer. in kürze heimer ihri schöni wohnig zum ne chaos umgwandlet u wie deheime aues usbreitet.

mir si mega froh gsi, dass üs z nici u der greg si cho abhole u das mer bi ihne hei chönne wohne.ohni outo u öper wos echlei kennt bisch i dere riise stadt nämlech gad verlohre.mit üsne 2 gaschtgäber heimer de jede tag öpis angers gmacht u super füehrige dür haub california gnosse:

vo beverly hills, über hollywood, belair,venice beach, manhatten beach, santa monica, universal studios,farmers market , melrouse,...heimer aues gseh. sogar ine night live show vom jimmy kimmel simer ineglaueret(wie stefan raab) u hei de no grad d reese witherspoon aus studiogascht gha.e ougeweid für jedes männerhärz:-) d universal studios si ou es bsungerigs erläbnis gsi. grad weme dür ds dorf vo desperate houswife fahrt u aui die hüsli gseht.
1 tag heimer für ds shoppe ir outlet-city planet. das isch ungloublech, da isch eifach ei lade nach em angere u jede het usverchouf. da heimer einigi seck heidreit:-)

mir hei meischtens säuber öpis köcherlet u der greg het äxtra es fondue pfaendli kouft. super gsi nach 4 1/2 mönet fasch nume riis u bohne isch das genau zrichtige gsi. zum verdoue no es chlises schnaebsli,welch ein genuss. so heimer meischtens dr abe bi plöiderle, aschtosse u viu lache verbracht. einisch simer id suddle ranch go zueluege wie die american-girls ufem bulle rite. das muesch eifach gseh ha u zouberet aune es lächle uf ds gsicht.

auso dir liebe, mir wünsche öich ganz e schöni adväntszyt u nämet öppe es glüehwihli uf üs.
pat the kid and jane redfox

Mexico ole!!!

2008-11-21T13:48:00.000-08:00

2 1/2 wuche simer in mexico gsi, tequilla u sombreros natürlech immer derbi.
vo san cristobal uf merida quer duers land, i de stedt ume, das isch sehr interessant.
die vile markte, pärk, gebäude u tequillerias hei üs pässlet, u am abe heimer mit 2 schwizerinne geng no gjässlet.
i de strasse hets die vile aute vw- chäfere gha, da het am pädu sis härz höcher afa schla.
uf der isla holbox bi meer u sunne, heimer paar schöni tage verbrunge.
mit kokosnüss heimer mühli u botscha gspiut us luschtig gha , u de när no chlei gspatziert am meer nah.
müscheli sammle u chetteli mache, u am abe zum ne guete drink chlei lache.
zwüschine es nücki i dr hängematte mues si, das isch super und git energi.
uesi wohnig diräkt am strand, i däm wunderschöne land.
vo dert simer witer uf d isla mujeres gange, u dert hets de so richtig mit em tourismus agfange.
das isch ja ungloublech die beize u lüt uf eim hufe, wo sech aui düe besufe.
mir hei es paar tag gha für das ds begriffe, hei de es goufchäreli gmietet für rund um d insle dspfiffe.
bi de schöne stränd go schnorchle u bade,wöu land hautisch a dr brändende sunne nid us, schüsch bisch flade.
der sang in tulum isch so wis gsi wie i dä bärge dr schnee,ohni sunnebrüue hätsch gar nümme gseh.
was het äch dä roche verbroche, dass är its nummeno besteit us chnoche???
üses bungalow klein aber fein, ir nacht isches chaut gsi wie ein schwein.

am schluss hei mir üs no in playa del carmen amüsiert, u natürlech dert nomau öppe die es tequilla hingeregschmiert:-)

tschou zäme u bis gli, mir gniesse its zyt bim niceli

gruessli us Los angeles
mister and miss flinstones

Von Antigua zum Lago de Atitlan

2008-11-05T10:51:00.000-08:00

sit 4 taeg simer ume lago de atitlan ungerwaegs, wo mer diversi chline doerfli si go aluege. si si entweder ds fuess, mit em velo oder mit em boetli ds erreiche gsi. zum teil si die "pueblos" no untouristisch und mir heis interessant gfunge wie d mayas laebe:i dene farbige saeubergmachte trachte i dene aenge gaessli, meischtens es ching umghaenkt oder lascht ufem chopf, i dene chline steihuettli mit waeueblaechdoch, wos ueberau userouchnet vom ne fuer u dhuener ringsume gackere, d ching wiud umezwirble,.... eifach mega idruecklech. u sich u ihri chleider hei si natuerlech im see gwaesche.
mir hei ues hie u wouh gfueeut, ke wunger, d landschaft isch ja ou chlei aehndlech wi i der schwiz.

vorauem we me grad dert widereinisch aeuplermaggaroni cha aesse, wo 3 schwizer fuer ues kochet hei.
es doehnt its aues so romantisch u guet, aber leider heisi hie es riise drogeproblem u drum mues me bsungers guet uf d sache ufpasse. ploederwis si mir haut grad im fautsche hotel glandet, wo drogehoehli hoechstpersoendlech isch u si schienbar vor 3 tag e riise razia hei gmacht u aui bsitzer hei feschtgnoh. we me das haet gwuesst.uesserlech het me das daem hotel nid agseh. aber mir si zum glueck nid mit droge i kontakt cho.

Monterrico: isch ar pazifikkueschte ir nechi vor graenze zu el salvador. der heimer am ne schwarze strand widermau bei la bambele u ues entspannt. i de hoeche waeue ues ueberschlage, aber im volleybau heimer ues aube glich nid schlaecht gschlage.haengematte u die entspannti atmosphaere, het ues wider chlei choenne d choepf laehre. em ne chline schiudchroetli heimer de e muntsch ufdrueckt, fuer das si waeg duers meer de ou glueckt.

Vo antigu us si mer uf e voukan pagaya. es isch eini vo de aktivschte voukaen vo der waeut. normalerwies gseht me dert richtegi voukaenbaech abefliesse. bi ues isch de d lava ou gflosse, aber me i de adere. aber es het glich glaengt, fuer am paedu d wimperli ds chruesele. aer het sis chline naese aber ou wit dri gsteckt:-) nach daem farbige sunneungergang simer de wieder zruegg id stadt antigua, wo sehr kulturell u antik isch gsi.
so, morn goe mer ufe maerit, villech ligt ja fuer e eint oder anger es gschaenkli dinne:-)
tschuessli, ciao u ufiderguegs
marie-jose und jean-philippe

Guatemala

2008-10-29T11:19:00.000-07:00

Livingston: uesi erschti station in Guatemala isch Livingston gsi. dert simer ca. 1 1/2 stung am strand entlang gloffe u si de zu de siete altares cho; siebe wunderschoeni wasserfaeu nachenang. wime ufem biudli gseht, het me sech entweder choenne la massiere oder die wo chlei meh action hei woeue, si drigumpet:-)

Nach ere zwueschestation in rio dulce simer de i die schoeni stadt flores. die stadt isch ufere insle im see u het ues sehr guet gfaue. d strasse si aui pflaeschteret u d gebaeude si aui farbig bemale.

vo dert us heimer dr usflug zu de tikal- maya- taemple gmacht. die si mitte im dschungu u vo de hoechschte taemlae gseht me ueber aues uebere. d ufstige si zum teil sehr steil gsi u hei ues its schwitze bracht. vorauem wo dr paedu obedrufffe no het umeturnet, hani schweissusbruech becho. bitte papa schaerer, red mau es woertli mit dim sohn. das isch wuerklech gfaehrlech gsi.
nach ere witere busfahrt vo 6 1/2 stung simer de in semuc champey acho. i dene wunderschoene tuerkisblaue naturpool isch ds baedele e gnuss gsi. mir si de no 15 minute ufegloffe zum ussichtspunkt, u vo dert het me wuerklech e poschtcharteusblich gha. ues gfaut guatemala wuerklech sehr, es bietet sehr viu u mir si durend oeppis am ungernaeh.
bis zum naechschte mau wider

liebschti gruessli

seppetoni u annebaebeli

Honduras- La Ceiba und Utila

2008-10-20T15:04:00.000-07:00

mir hei 2 taeg in La Ceiba verbaracht. dert heimer a 1 tag ines ichoufszenrtum muesse schwuemme (bzw. fluechte), woeus so gschiffet het. dr wiss chare uf daem foeteli het sech chlei viu zuetrout, u isch prompt versoffe.

am 2 tag simer ine dschunguloge, go river rafte. waeg der raegezyt isch dr fluss sehr hoech gsi u het u starchi stroehmige gha (level 4 vo maximum 5). drum hei mir leider dr foeteler unmoeglech choenne mitnaeh, aber es haet gueti biudli gaeh.es paar mau heimer schwein gha, dass es ues nid het usglaehrt. u das waer de nid so luschtig gsi, i dene stroehmige. aber mit de instruktione vo uesem guide simer sicher unger acho u mir beidi si begeischteret vom river-rafting.

Insle Utila

um dr open-wather kurs ds mache, simer 5 taeg uf die toucherinsle. mir hei de i 3 taeg praxis u theorie buefflet, u si its so sicheri toucher worde. d ungerwasserwaeut isch faszinierend und het ues begeischteret. u es gseht e so us, aus haet ds dani ihri seechrankheit u dr paedu dr schisser ueberwunde, yeah!

auso, bis zum naechschte mau.

liebschtigruessli dani u paedu

P.S ..fuer aui spinneleliebhaber...die wunderschoeni chlini voguspinnele isch fuerekrabblet, wo ds dani ds bett het woeue azieh.gloubets ues, mir hei scho wit us schoeneri ueberaschige gha u hei nuemm so guet gschlafe.

Sandboarding Vulkan Cerro Negro- Nicaragua/ Leon

2008-10-09T16:48:00.000-07:00

Vo leon us simer mit em ne jeep zum aktive voukan cerro negro, wo ds letscht mau 1998 usbroche isch. nachdaem mir 1 stung si ufegloffe, heimer de dobe i dae sehr quaumend krater gseh. mir si verbluefft gsi, dass mer sogar i das stinkloch driabe hei choenne. es isch ues vorcho, wie im ne rum vou rouchbombe u es isch ganz schoen heiss worde ade sole. hei auso dochno chlei verspaetet 1- aouguschtluft choenne schnuppere.

vom krater simer de zur startrampi vom sandboarding gloffe u hei ues ds braet agschnauet. am afang isches ganz schoen ungwoehnt gsi, so uf sang. schliesslech isches ou viu langsemer u kurve si viu schwiriger. mi suuft jedes mau grad ih u mi wird extrem draekig uf daem lavasang. vorauem weme wie dane immer mit em fuedle braemset. am schluss hei mer aber dr dreh de usebecho u heis gwautig la krache. het gfaegt.

das isch ueses letschte faegige erlaebnis in nicaragua gsi, am naechschte tag simer am morge frueh witer mit em bus uf honduras.

gruessli usem apres- sandboarding rueschli

vo brit and toni

Nicaragua- Little Corn Islands

2008-10-08T18:42:00.000-07:00

Ganz spontan heimer ues entschlosse, uf d Corn Islands chlei go entspanne, suennele u nuet due u vor reiserei go ds erhohle. mit em chline pfuederi simer de gluecklecherwis ou sicher uf der big corn island glandet. mir hei ja es momaentli d chotzbuetle ds vorderscht gha, da mir si ines gwitter cho us dae vogu relativ starch dueregschuettlet het.vo dert us heimer die 30 minuetigi fahrt mit em boot uf d little corn island i agriff gnoh. leider hets die erschte 2 taeg graegnet, aber da mir so naetti davoser meitschi hei kenneglert(mersi fuer di iladig zum boarde im winter:-), heimer die tage z bodegjasset u derzue e1-2 glesli rum gnoh. es mues nid immer wi si, roeifi-boeifi. im ne u haerzige bungalow heimer ues bequem ignischtet u vo dert us schoeni sicht ufs meer gha. vos de aendlech isch schoen worde, heimer die insle nach de schoenschte straend abgsuecht u si fuendig worde. schnorchle u (p)-(b)-aedele isch da ds paradies. d insle saeuber isch no nid so touristisch, u das macht die insle so einzigartig. si rede hie es gmisch vo spanisch u aenglisch, u mi versteit se numme sehr schwaer.

mit em ne riise chueche u natuerlech rum, heimer de am paedu si geburi no gfiiret. aendlech isch er ou 25-gi.

auso, mir mache ues its ufe waeg uf leon, uesi wahrschiendlech letschti station in Nicaragua

liebschti gruess u leget nech warm ah
dani u paedu

San Juan del Sur und Islas de Ometepe

2008-10-02T18:11:00.000-07:00

in san juan del sur heimer ues ds 5 e wohnig gleischtet i deam pinki-house diraekt am strand.mir hei sozaege der ober stock fuer ues gha u hei vo dert us aues am strand chonne beoeigere:-) ds doerfli isch relativ chli, u es isch nid viu los. aber jede abe isch ds nachwuchs nicaragua beach-volley team cho trainiere, u de hei mir natuerlech garn zuegluegt. mir heis de ou einisch gaege wuerklech no jungi meitli ufgnoh, u naja, knapp verlohre. mir si aber guet umeghamplet u die iheimische hei froeid gha.

a eim abe simer wider go schiudchroet luege. dasmau sis viu chlineri gsi u aues isch viu schneuer gange. derfuer choemme dert i eire nacht bis zu 500 a strand, saege si.mir hei grad mau 5 gseh.

islas de ometepe
im nicaraguasee si die 2 voukaen. eigentlech waere mer gaern ufegloffe, aber ds waetter het nid mitgspiut.drum heimer de roller und toeffe gmietet u si chlei umekesslet. gar nid so eifach, weme uf d schlagloecher muess luege, u glichzytig immerwider chueh, soei, hueng u luet ueber dstrass seckle.

das soviu raegnet u meh d ruckseck mues uf ds dach vom bus gaeh, isch immer besser wenn oepper hiuft u kontrolliert, ob sis ds graechtem mit plastik abdecke. die luet hie hei naemlech e angeri arbeitsmorau aus mir.
so, morn goe mer uf islas del maiz, chlei go ferie mache u entspanne vom reisle.

gruessli u machets ganz guet. mir daenke fescht a oeich

Granada

2008-09-25T21:18:00.000-07:00

Hei zaeme
sit lengerer zyt simer in nicaragua. Costa rica haet ues zwar ou guet gfaue, aber es isch mitlerwile scho so touristisch, dass mer lieber chlei meh zyt i de naechschte laender verbringe.
d landschaft vo nicaragua isch wunderschoen u d luet si sehr zfride u fruendlech, obwou si nid viu gaeud hei u die meischte sehr eifach laebe. mir si de grad i die bekannti spaneschi koloniausatdt granada gange u hei dert 4 wuderbari taeg verbracht. d gebaeude si sehr guet erhaute u mit dene verschidene farbe, gits deam ganze vorauem bim sunneungergang nommau e bsungere akzaent.vo dert us heimer de e usflug gmacht ane lagune, wo chlei aehnlch het usgseh wie der bielersee. es isch eim grad warm worde ums haerz. sit dere stadt simer its ds 5 ungerwaegs. der welsch het no 2 flotti israelinne ufgablet. foeteli gits de im naeschte blog:-)
leider isch ds waetter sehr waechsuhaft. fasch jede tag reagnets minimum einisch, aber ds klima isch glich warm. drum simer chlei igschraenkt i de tagesusflueg u muesse ues immer chlei am waetter apasse. aber es macht nuet, wes nid immer so louft wie mes planet.

auso, machets guet u bis gli

dani u paedu

Costa Rica

2008-09-23T19:38:00.000-07:00

Parismina

Mir si in Costa Rica fuer 4 taeg i ds 500 Seeledorf Parismina. Dert heimer aus volonteer fuere schutz vode meeresschiudchroet gschaffet, wo ide letschte 28 jahr 95% si usgrottet worde. i 3ne naecht heimer je 4 stung am strand patroulliert. mir hei beobachtet, wie die 1.5 meter grosse schiudchroet si a strand cho(derbi heisi riise trackdorspure hingerlah) u si bim 2 stuendige prozaess vo der eierablag hutnaech der bi gsi. si pudlet es bis zu 85 cm toeifs loch u leit dertri ca 125-130 eier. waehrend der eierablag isch si in trance u genau denn chame aues mit ihre mache:groessi usmaesse, e neui marke drahdue, uf chrankheite teschte, und deier isammle.das isch leider noetig, woeu ufem schwarzmarkt d eier u ds fleisch, sowie panzer sehr beliebt si u verchouft wird. mir hei de die vile ping-pongbau grosse eier am ne angere ort wider vergrabe u uesi spure verwuescht, dass se diebe nid finge.ir nacht darf me numme mit rotliecht schaffe, woeu d schiudchroet keni farbe gseh. mir hei leider ou kenni foeteli ir nacht doerfe mache, woeu si schuesch beiflusst waerde. aber mir choei euch saege, es isch es einmaligs u sehr idruecklechs erlaebnis gsi.am tag simer de die naeschter go kontrolliere u d standaert neu usmaesse.leider hei ou dhueng hunger gha u bi viune naeschter d eier usbuddlet u gfraesse. wenn aues guet louft choemme nach 60 taeg die junge use. vo 1000 chline schiudchroetli wird ca. 1 so aut, dass es ou mau eier leit.
waehrend dere zyt heimer bi ere alleistehende mueter mit 3ne giele glaebt. ds hus isch sehr eifach igrichtet gsi u es het wuerklech numme znoetigschte gha. d familie isch sehr haerzlech u gaschtfruendlech gsi.
das dorf isch numme ueber ne fluss erreichbar, wo sech ou vili gfaehrlechi tier dinne u am ufer ufhaute. zum bispiu ds krokodiu(isch ds einzige woni bis its ha gseh wo ds groessere muh aus der paedu het:-) oder dae chli rot giftig froesch. ou d mugge si hie widermau sehr aktiv gsi.

Cahuita

obwou mir beidi nid choei ritte, heimer glich beschlosse,am strand entlang ds gallopiert. zue gaeh, mir hei ja das ross no nach 3 stung nid beherrscht. mir si froh gsi, womer uesi wunde fuedli wider hei choenne obenabe naeh. am naechschte tag simer richtegi chrueppeli gsi, u so 4 stung duere nationalpark gloffe. dertr heimer hufe affe gseh u ghoere moege.e schlange het ono hallo gseit.
mir saege its tschuess u machets guet
trix u gaex tschou zaeme

Ungerwaegs in Panama

2008-09-15T10:36:00.000-07:00

Bocas del Toro
Sit 10 Taeg simer mit em Arnoud, (der Welsch von Genf) in Panama ungerwaegs.Das trio funktioniert sehr guet.Its simer grad uf der insle Colon in Bocas del Toro. Das isch grad bir Graenze zu costa rica, im karibische meer, u isch die Partyinsle schlechthin. aber ou d straend si wunderschoen. mir hei velo gmietet u si 1 1/2 stung ueber d insle gfahr, zum ne wunderschoene strand. leider simer nid so vorwaerts cho, da d choeti vom paedus velo au 100 meter isch usegheit. ueberhoupt isches mit daem eigaenger e chranpf gsi zum tschaupe.bim zruegg gah isches so unmueglech worde mit dere chetti, dass mer ds velo ufenes outo hei muesse uflade u dr paedu jogget isch(i de flipflop 13 km) hihi, u di chline mueggeli(nid malaria) hei zyt gha zum staeche. dr paedu het am einte fuess 69 stiche u am anger laepischi 50.

Boquete
Isch es Doerfli im feschtland vo Panama. es isch bekannt fuer dr kafi, die warme natuerleche Queue, u natuerlech dr Voukan Baru, wo der hoechscht punkt isch vo panama. das heimer ues nid woue la entgah u sie uf dae voukan ufekragslet. leider isch ds taxi nid wie abgmacht am 03.00 ir nacht cho fuer ues zum parkitritt ds bringe. drum heimer zuesaetzlech zu de 1240 hoehemeter nomau 1000 hoehemeter muesse mache.laeckbeck, 12 stung gwanderet, gsammthaft 38 km zrueggleit u 2240 hoehemeter.uesi fuess si am aendi gsi. aber es het sech glohnt, der usblick u der sunneufgang isch gigantisch gsi. vo dert us het me uf ds karibische u pazifische meer gseh.

Santa Catalina
isch es wunderschoens chlises doerfli am pazifik. das surferparadis vo zentreuamerika. drum heimer doch dert ou es braet gmietet u versuecht, die waeue dsverwuetsche. es isch so richtig guet gsi fuer afaenger, woeus kei steine im meer het gha u dwaeue relativ geabigi hoechi.es isch erstundlech guet gange, ou mit emne shortboard. mir wei uf au faeu am bau blibe:-)
ok, morn goemer witer uf costa rica u mache mau der erscht tip vom saendu u rebi.(Saendu u Rebi: merci viu mau fuer die schlafseck, die si praktisch wienemore)
Gruess u Kuss Ç

Panama- City

2008-09-04T17:46:00.000-07:00

Vor und nach de Insle San Blas simer in Panama- City gsi. Es isch no relativ schwierig, sich z raechtfinge und ds orientiere, aber d luet si sehr hiufsbereit. i dere stadt hets ueberau bewachti zonene, u die wo kei kamera hei, die soett me miede. fuer ueberau haere cha me die schoen bemauene farbige busse naeh, wo roehre wienemore, aber derfuer nur 25 cents choschte. mit dene heimer ou die diverse usflueg gmacht: ines museum wosie die verschidene kulture zeigt hei, a panama- kanau, u i botanisch garte. dr panama- kanau isch sehr interessant gsi zum luege was da fuer riise frachte vom pazifik zum atlantik transportiert waerde.
mir hei im historische stadtteil ueses chaotische hostel gha. i daem stadtteil gsehrt me uf chlinem rum sehr viu auti gebaeude. wunderschoen.i dere stadt simer immerwider ad heimat erinneret woede, woeu ds baernerwappe ueberau ds gseh isch. die firma, wod hochhueser konstruiert het naemlech ds logo vo baern.ç
bis gli, dan u peter- pan

Panama-Islas san blas

2008-09-04T16:44:00.000-07:00

Nachdeam das mer vo mehrere luet ghoert hei, dass die insle sehr schoen si, heimer ues entschide, derthaere zgha. es isch e 4stuendigi houperfahrt gsi, das choeit ihr oich gar nid vorsteue. duer fluess duere u zum teil mit fasch unmuegleche stigige u neigige dinne.aber es het sech meh aus glohnt.

die inseli si im karibische meer, ir nechi vo kolumbie. es het gsammthaft ueber 400 chlini trouminseli oder eifach numme sandbaenk mit paumene. einigi insle waerde vo de kuna indios bewohnt. luschtigerwis si d religione verschide uf de diverse inseli. si ghoere zwar zu panama, aber si vor regierig unabhaengig u dahaer het jedi insle si eiget presidaent. uf de houptbewohnte inslene hets schuele u es spitau, wo ds dani ou grad haet choenne afa schaffe. aber dr arbeitswaeg waer de 3 stung schwuemme gsi:-)

mir si uf der insle aguja gsi. mi cha oeppe i 10 minute drumloufe.es het 3 bambusheusli, paume sang und es wunderschoens riff. mir si dert mit 8 angerne tourischte gsi und dere famili, wo dert druffe gwohnt het. die 3 chline meitli hei extrem froeid gha, womer mit ihne hei gspiut u bloed dah. (papa franz, ds chaeubelihaenke isch acho)

2 mau heimer gwuennscht, uf angeri insle z gha u si de mit em boetli gfahre worde.

zum schlaffe heimer haengematte gha, isch auso bequemer gsi, aus mer daenkt hei. numme isches de ir nacht raecht chaut worde.

mir hei saeuber choenne kokosnuess abehole u die fruesch gniesse. je meh kokosnuess si dunge gsi, desto sicherer het me choenne ungerduereloufe. mit haegli u brot heit der paedu de ou gfischet u sogar sis znacht saeuber usezoge.sini paschtleti reuse isch leider abgsoffe u aer het me dermit d fische gfueteret. languschte heimer leider keni verwuetscht, drum heimer se de fruesch vom ne fischer abkouft u vode kunas la choche.

kunafroue hei aui ihri farbige trachte anne mit de saeubergnaeihte monas druffe( die tierbiudli) ade arme und ade bei heisi chraeuelicheteli u duer dnasescheidewand e grosse goudring. daeh duet nach der pupertaet d grossmuetter ihne (wenn ds meitschizur frou wird) ueberhoupt isch denn es grosses fescht, wo ou dmanne de ihri trachte anne hei.

obwou si kei spanisch rede(numme kuna), si si glich zu ues sehr harzlech gsi und me het sech mit haeng u fuess verstaendiget.

auso, its goemer de scho gli der geburischlummertrunk go naeh. haebets guet.

liebi gruess vo susu u krambambali:-)

10 Taeg Galapagos Insle

2008-08-27T11:44:00.000-07:00

Hallo liebi luet
mir si zruegg uf feschtem bode. hei 10 wunderschoeni und beidruckendi taeg erlaebt. mir si no its hin und weg. mit em passagierschiff rumba, wo 10 luet plus 5 besatzigschreft platz hei gha, simer ueber 10 verschideni insle go aluege. das mer gleitig si vorwaerts cho, simer aube so zwuesche 5-8 stung duer d nacht duere gfahre. ds zimmer isch extrem chli gsi, aber mit privatbad. da mir im schiffbuch si gsi, heimer dert der waeuegang sehr starch mitbecho u de muesse luege, dass me nid vo daem schmale bett isch abetrolet. oeppe die hets eim ufe chopf tropfet, das weni het innegruennt, oder de isch es krabble vore kakerlake ufem arm zgspuere gsi. aber trotzdaem, heimer doch aube guet gschlafe.besatzig, guide u vorauem dr choch si super gsi, mir hei tiptopi menu serviert becho. mit de angere 8 hollaender simer de aube vo de 6se ah its apero, die hei oeppe glich viu moege wie der fc gruenstaern.

die erschte 2 taeg hets dani chlei viu ueber board gluegt u mit ihrem erbrochne, d haie gfueteret. mit de tablette heimer de aber das problem i griff becho, zum glueck.
au morge het ds programm scho am 07.00 agfange u me isch mit em biboetli uf di diverse insle gfahre worde. jedi insle het si eigeti flora u fauna gha, aber immer ischme vom empfangskomite de seloeie begruesst worde. pro tag heimer immer 2 mau choenne go schnorchle, u waeg dere fantastische ungerwasserwaeut ds chaute wasser ignoriert. Mit em waetter heimer glueck gha, es isch meischtens bewoeukt gsi, aber tuepig warm. wed sunne isch fuerecho, hets eim fasch verpratet (ds dani isch scho fasch maximau pigmaentiert)
mir haette oeich hunderti vo foeteli choenne druflade, hei its versuecht, e chlini uswau dsfinge. d seeloeie heisech immer wunderschoen praessentiert u possiert. ds einzige isch gsi, dass me sech vorem bulle het muesse i schutz naeh. we daeh isch cho ds moege, oder im wasser isch gsi, de hesch nid doerfe go bade. mit de chline im wasser schnorchle isch aber der hit, die bisse dr immer id flosse u wei mit dir spile. dae selloei mit daem baerefaeu u daem risige chopf isch e galapagos seeloei u numme hie aztraeffe.
a jedem hafe hets immer viu riisegi pelikaen, wo uf draeschte warte, wenn d fischer zrueggchoeme. es isch amuesamt dene zuezluege, wiesi versueche, dr ganz fisch i einisch abezwoerge.
a eim tag simer chlei meh uf zfeschtland u si die galapagos riseschiudchroete go aluete. die ueber 200 jahr jaehrige si oeppe 400 kg schwaer. ihre zuchtststion heimer de no die chline gseh, zuckersuess.

uf galapagos hets 19 verschideni seevoegu.vo 30 cm chline pinguine, ueber aubatrosse, adler, fregattvogu (die mit daem rote ballon) u vorauem die 4 verschidene boobisorte:blaufuess, rotfuess,maskeboobi und de zoberboobi paedu:-) uf em foeteli isch der blaufuessboobi grad am bruete. wesi fische stuerze si sech vo ueber 20 meter i eim garacho its wasser, wie e kamikaze flueger. es isch oscho vorcho, dass si amene toucher im ruegge gsteckt si.
es witere hoehepunkt isch ds schnorchle gsi. naebscht dene farbige fische heimer viu meeresschiudchroet gseh. mir heise de aube beobachtet,wiesi mit eire rueh si duer das wasser gleitet. ihre panzer isch je nach auter scho wie vermieschet gsi. a 2ne steue heimer sogar 2meter haie gseh. isch raecht beidruckend. u womer vom schiff us hei gluegt, heimer no so 6 meter mantas u 1 wau gseh. ou stachuroche si staendigi begleiter gsi.

dseestaerne hei ou i aune farbe gfunklet.mir hei no nie so schoeni gseh.naja, die wo der paedu zwar i de finger het, si scho tod u hets a land gspuelet. eigentlech soett me ja nuet alaenge, u jedesmau weme vore insle zruegg chunnt, muesme aue sand ade bei u ade schue abspuehle, dass me kei same vor einte zur angere insle verschleppt. uese fuehrer, wo i 1 wuche panssioniert wird, het zwar aube beidi ouge chlei zuedrueckt. duer sini erfahrig, het aer ues soviu verzeut u mir hei viu profitiert.

insgesammt isches eifach der hammer gsi, oeppis vom schoenschte, womer jeh erlaebt hei.

seemannsgruess (es schwankt immernochlei)
Dani u paedu

2008-08-14T13:20:00.000-07:00

hei zaeme

mir si grad in puerto lopez, wo es bekannts doerfli isch waege de wale. mir hei grad ds glueck, dass its paarigszyt u geburte vode buckuwale si, u das wuerklech sehr nach bider kueschte. mir si mit em boot numme grad 20 minute usegschouklet, u scho heimer die riise gigante gseh. extrem beidruckend u wunderschoen, wiesech die15 meter riise bewege. zum teil simer so nach gsi, dass me fasch angscht het becho, da ueses schiffli chliner isch gsi, aus die tier. oeppe heisi es jungtier bisech gha. ei stung heimer ds vergnuege gha, das schouspiu dsluege, u es heit eim immerno zchurz duenkt. es isch so schoen gsi, dass dr paedu si rumplig buch grad vergaesse het.

vorhaer simer vo quito mit em bus uf canoa. canoa isch es strandstedtli wo d surfer sech umetribe. aues isch easy u locker druffe. het ues so gfaue, dass mer 3 taeg si blibe. mir hei es super bambushostel gha, diraekt am sandstrand. die naechschte tage simer de vo doerfli zu doerfli d kueschte abegreist u hei immerwider schoeni stedtli u straend entdeckt. z waetter isch viu bewoeukt, aber glich sehr warm u i mues mer aui mueh gaeh, dassi nid its scho choleschwarz bi:-) auso, its froie mer ues uf d galapagos insle.

liebi gruess

dani u paedu

Cotopaxi 5897 Meter

2008-08-07T13:21:00.000-07:00

Dr Cotopaxi isch 5897Meter hoech u isch eine vode hoechschte aktive Vukaen hie in Ecuador. da aer so noech bi Quito isch, heimer ues entschlosse, dae wunderschoen baerg i 4 taeg versueche z beschtige.

bim eduardo heimer die Tour buechet. aer isch der einzig, wo suedsite zum beschtige abietet. die meischte goeh uf der nordsite ufe.

1 Tag: der eduardo het ues uf 3200 meter usglade u de simer uf 4000 meter zum refugio ufegloffe. e chline hung het ues uf dere 3 stuendige tour begleitet. am 14.00 simer bi derer haerzige huette acho und hei zimmer bezoge. dr guide het ues de es u guets menue haerezouberet mit sim gasgrill. mir si wuerklech verwoehnt worde.

2 Tag: Am 8.00 simer losgloffe ufene 6 stuendigi tour ume baerg morurco womer uf 4800 meter ues ufekaempft hei. womer si gstartet hets ues verraegnet, u naer isch e bissig, chaute wind begleitet mit schnee cho, so dass so richtig a d chloepe hesch gfrohre. uesi trekkingschueu hei leider derer witerig nid stang ghaeute. bi daem waetter isch de die tour ou chlei zur quau worde und ou chlei absturzgfaehrlech, so dass mer heil froh si gsi, wider i dere ungerkunft vorem warme fuehr oeppis zaesse.

3 Tag: Nachdaem uesi chleider wider haub troche si gsi u die ganzi usrueschtig vo ihne gfasset hei, simer mit esu, gepaeck und guide zum zaeutlager uf 4800 meter ufegloffe. es isch ues vorcho, wiemer ufere mondtour waere, aues isch so kau u f daem lavabode. bide zaeut acho, hets am 18.00 pasta gaeh u naer haet me soue go schlaffe. aber das zaeut hets so verhudlet vom wind u es isch so chaut gsi, dass es bim lige isch blibe. womer emau si ignischtet gsi, (jede het 2 schlafseck gha)heimer ues nuemm usegetrout, biser ues am 23.30 Uhr isch cho wecke. Mir hei de no churz oeppis zmoergelet u naer isches losgange.

4 Tag: mit stirnlampe, piku, gstaeutli, seili, schaleschueu und stigise, simer iderer staerneklare nacht losgloffe. 1 stung bis zur schneegraenze(womer d stigise montiert hei), u die raeschtleche 6 stung simer vou im schnee gsi ire 3erseilschaft. idruecklech, so im dunkle u numme mir 2 und 1 guide, wo ues sicher naeb aune gletscherspaeut richtig krater gfuehrt het. es het gwindet wienemore u isch chaut gsi, so dass dr bi minus 18 grad immer grad aues gfrohre isch. dr ufstig isch hert, huerre hert. aes isch immer mindischtens 45 grad steil ufegange u du hesch kei zyt zum verschnufe gha. schritt fuer schritt mit piku u schiistock heimer ues am krater gnoecheret, wobis fuer z dani die letschte 3 stung e riise quau isch gsi. mit sehr, sehr viune pouse simer aber schliesslech am 07.30 bi strahlendem sunneschiin acho. ds dani isch leider so kaputt gsi, dass si dr krater nidemau realisisiert het. d chraft het ou nidemau me glaengt, fuerer riisverschluss vor jagge ufzduet, so duerre isch si gsi.

nach daem wunderschoene usblick, uf em roeichlende krater, bi sagehaftschoenem waetter (womer wuerklech u glueck hei gha) heimer de der 3 stuendig abstig i agriff gnoh. bi jedem 2te schritt simer vor schwechi richtig igsacket. u schwirig isches worde, womer hei muesse ueber d gletscherspaeut gumpe. adrenalinkik pur. todmued simer de am 11.30 wider bim zaeutlager acho. u naer heimer nomau 1 1/2 stung zum angere lager muesse abelouffe. auso insgesammt simer a daem tag 12 stung ungerwegs gsi u uesi kondition am bode!!!

es isch es hamer erlaebnis gsi, aber hert wienemore. its goemer de morn grad a kueschte ues go erhole.

auso, die 2 heisse baergbibene saege tschou u muesse its blattere u die blaue zaeienegle go pflege:-)

letscht Schueutag u 1 Ouguscht-fiir

2008-08-07T12:59:00.000-07:00

Salut u Proscht, jojo bi goscht!
A uesem letscht scheutag simer go feschte, u die drinks go teschte.ir happy-hour heimer de richtig profitiert, u es paar zuemftig hingeregschmiert. mir hei chraeftig z danzbei gschwunge, aber dae salsa-rhytmus glich nid raecht gfunge. jaehnu, mir heis ufaufaeu luschtig gha, o wemer die disco torklend hei muesse verlah. numme das cheibe is im glas, macht am naechschte tag im bad gar kei spass. dr duennpfiff vo hie bis aene use, das duet ues doch scho chlei gruse :-)

2008-07-29T13:07:00.000-07:00

Hallo zaeme

Aus Vorbereitig fuere Cotopaxi wo 5996m.Ue.M isch simer ufe Ruca Pinchincha wo 4900 Meter ueber mehr isch. Leider isch z waetter nid so guet gsi, obedruffe hets ues fasch waeggkuttet u mir hei raecht a ranze gfrohre. aber mir si glich sehr ids schwitze cho, woeu die letschte 100 hoehemeter si uf sandigem, sehr ruetschigem ungergrund gsi u mi isch ei schritt fuere u 2 zruegg.

Am samschti simer mit emne kollegepaerli, womer per zuefau in quito troffe hei(e chrankeschwoeschter vor insle, womer zaeme hei d lehr gmacht) nach Otavalo ufe groescht maerit vo ecuador. doert heimer gmaertet vo dert bis aeneuse u hei so fuer 45 $ 2 warmi pullis, e haengematte u ohrepaenk kouft. isch ungloublech biuuig, hie in ecuador. die chetteli wo die indiofroue ume haus hei, beduete der woustang vode luet. je meh dass sie anne hei, desto richer sisi. leider hets hie aber ou sehr armi luet, u vorauem sehr viu ching, wo am strasserand baettle, wei schueputze oder schlaeckzueg verchoufe. drum wird i dere stadt ou ziemlech viu klauet, mir si zum glueck no verschohnt blibe. hie wird aber ou aues sehr guet bacht: uese Block het e eigete securitas mah, woder mues d houptduere ufgspliesse u fuer id wohnig isches es 4fachs schloss.

Auso liebi fruende, gniesset der erscht ouguscht, u bieler, gaebet bi burkhauters- fondueplousch es reieli frouefuertz fuer ues duer drundi. aber chrigu, bitte nid id taesche schiesse, du weisch, die frouefuerz choei raechti loecher mache:-)mir wei de ou es ragetli zuende.

machets guet u gniesset das schoene waetter.

2008-07-25T12:37:00.000-07:00

Sasiqilli

mir si miit der schueu ufemne typisch indio-maerit gsi. es isch idruecklech gsi, die vile verschidenen laebige, haubtod oder tote tier zgse u zghoere. es het eim maengisch fasch z haerz verrisse u mir haette seam liebeschte aui kouft u freiglah. Am mittag simer e haub stung umenang girrt, da mir es reschtaurand suecht hei, wo die ecuadorianischi spezialitaet"Meersoeili" zuebereite u wos vorauem nid z tuer isch gsi. Mir hei de ou chlie probiert, es isch aenhlech wie poulet. gar nid so schlaecht, aber weni a mis strubeli deheime daenke, vergeit mer dr appetitt. schuesch isch uf daem maerit aues u guenschtig gsi, 15 Foraeue hei z.b. 1 dolar koschtet.

Mir wuensche aune es guets wuchenaend

tschaegg u weagg simer

2008-07-23T12:09:00.000-07:00

Baños

Am wuchenaend simer mitem bus 4 stung gfahre fuer uf baños.das isch e chlineri stadt wo bekannt isch woeu si am aktive vukan ligt,si waege daem natuerlechi warmi termaubeder hei.es git vili usflugsmueglechkeite i die schoeni natur. mir hei es bike gmietet u si mau druflos. nach 4 stung simer fasch zaemekrutet, es isch i daem huegelige land sehr astraengend zum tschaupe.drum simer per outostopp de wider vom hingerschte chracher id stadt fuere gnoh worde, zum glueck.dr radwaeg isch zum teil ou e herusforderig gsi, wie me gseht. am abe simer de chlei go laedele u am naechschte taeg heits leider graegnet, so dasmer am 14.00 scho wider hei si.

Schueu

uesi lehrerin Ginna het es glueck mit ues. mir si wahnsinnig flissig u mache se nume saeute schiisig:-) mir si sehr motiviert spanisch z lehre u mache flissig uesi ufgabe. mir hei au tag 4 stung schueu, u choei saeuber entscheide, obemer wei im schueuzimmer bueffle, ufe maerit go lehre, choche, oder schueusch e usflug mache. uesi lehrerin isch wuerklech guet u ja ou ziemlech haerzig, gaeu paede:-)Jo i wott nid chlage!

uesi schueu isch sehr modern u guet usgstattet. dr unterricht isch sehr intensiv, da mir numme ds 2 si. so choeme mir mit em spanisch raecht guet vorah u choei ues scho duereschlah.

bis gli wider amigos

Gruess Dani u Paedu

2008-07-18T12:49:00.000-07:00

Hallo zaeme

vorem wuchenaend nomau es brichtli vo uesne usflueg. mir si mit 3 verschidene buses a midad del mundo gfahre. dert verlouft d aequatorlinie u isch der mitupunkt vo der aerde. isch idrueklech, was fuer bsunderi chraeft dert wuerke. im ne museum het me verschideni experimaent choenne mache, u d ungerschide vo numme 1 meter uf der Nord- oder suedchugle gaegenueber uf der aequatorlinie si gwautig gsi. geschter heimer uese erscht 4800 Baerg (Pichincha)bezwunge. isch e chrampf gsi, obau d hoechi ues nid viu het usgmacht. mi het e gwautige usblick uf die ganzi statt gah. bi wuerklech klarem waeter wuerd me sogar ufe cotopaxi, wo 6000 meter hoech isch, gseh.

Auso, aune es schoens wuchenaend u machets guet.Bis gli Padi u Dani

2008-07-15T07:06:00.000-07:00

hola

mir hei es super wuchenaend hinger ues, si im ne chline doerfli gsi wo mindo heisst. hei oeppe e 5 stuendigi wanderig gmacht duere naebuwaud. di pflanze u tierwaeut isch gigantisch gsi.mir hei aras, tucans, u natuerlech viu farbigi schmaetterlinge gseh u pflanze i aune variatione u farbe. am paede isch einisch es kolibri mit em schnabu im huet blibe stecke:-)am naechschte tag simer zu daem megaschoene tuerkisblaue seeli u si e schmaetterlingsfarm go bsueche. a dere bambusbar si frueschi fruchtsaeft wunderbar u numme 1 Dolar.das huesli ufem foeteli isch uesi ungerkunft gsi, aecht guet, aber ou verhaeutnismaesi tuer fuer 30 $ fuer 2 persone. letscht wuche simer mit em grossching vo ueser gaschtmueter ufene partybus. u dert verwoehnt worde mit feine schnaeps, live- musig vo ecuador, u mir hei tanzet u gfeschtet wieverruckt. trotz em sturme chopf hesch uf komando muesse e doucher naeh, schuesch waersch ade d stromkabu u de ungerfuehrige blibechlaebe.

auso, mir muesse its id schueu no dr fiinschliff vom spanisch go mache;-)

Adios

Ecuador

2008-07-10T10:52:00.000-07:00

So, da simer wider...

Mir si its scho 4 Taeg in der 2groeschte Stadt vo Ecuador Quito u kenne ues langsam chlei i dere 1.8 Mio. Stadt us. Uf 2850 Meter lat sech nid eso liecht la schnufe, nidnume waege der Hoechi, sondern ou waeg daem stinkende Verkehr.D Stadt isch 40 Km laeng u mir loufe ues eine ab.Fuer id Schueu heimer so ca. 25 Minute zum gah. Ueses Deheim bir Rosita isch der hammer. Si chochet super u taeglech gniesse mer ecuadiorianischi Spezialitaete.mir si im 5 Stock vomne Hochhus u hei e fantastischi Ussicht. Wie der uf de Foeteli gseht, bi Nacht i daem Liechtermeer u bi Tag e super Fernsicht. Ueses Zimmer isch chli aber suber, sowie die ganzi Wohnig isch sehr modern und guet usgrueschtet.ufem Biud isch ds Wohnzimmer mit uesere Gastmu

eter Rosita. Am Schluss no es Foeteli fuer Stettler AG: A propo Arbeitssicherheit, die Giele schaffe im 15 Stock ungsicheret.

Voila, das isches

Mir muesse its witer i Salsa- Kurs

Adios amigos

Ufenthaut in Los Angeles

2008-07-07T12:10:00.000-07:00

Hallo zaeme

Mir si guet acho in Amerika, jedoch ueses Gepaeck nid. Drum simer doch aus erschts mau go Flipflops choufe, dasmer bi 30 Grad nid mit uesne Trekking-Schueh hei muesse usharre. Mit uesem Fruend, wo scho am Flughafe gwartet het, heimer de die L.A- Tour gstartet.Vom Manhatten Beach, ueber Santa Monica, zude Stars in Hollywood. Isch geniau gsi sone Tour-Guide zha wo zuesaetzlech no aus Surflehrer e gueti Faue gmacht het. Ueses Schwizerhuetli hets grausam verbroennt bi daem Gspass, Autsch.

Die Amis si in Feschtlifieber gsi, schliesslech heisi ihre Nationalfiirtag gha. Am Paedu hets gfaue, da die Maedels i knappe Bikini si umetorklet. Ueberau heisi Home-partys gha, wie im Fium.Am naechste Tag si de uesi Ruckseck acho u mir hei de unbeschwaert uese witerflug nach Ecuador choenne atraete.

Auso, dir gseht, mir heis guet bis its.

Gli waerde mir Brichte vo uesem Spanischtalaent und der Schueu inedue u dir waerdet uesi liebi Gaschtmuetter gseh.

Gruess, die 2 Rotbrueschtli;-)

2008-05-29T05:36:00.000-07:00

Hallo zäme

Gli isches ändlech sowit u mir starte üses Reisli. Am 4. Juli 2008 um 08:10 heissts BYEBYE u mir mäude üs für lengeri Zyt ab. Mir wünsche öich aune es super Jahr u mir hoffe, dass mr öich spannendi Brichte u Biudli chöi lifere.

Machets guet. Muntsch Pädu&Dani