hallo zaeme
da mir ca. 1
wuche fruecher aus planet ir region perth si acho, si mir no grad chlei noerdlech gfahre. ueber fremantle, cottesloe-beach, scarborough, mullaloo-beach si mir die erschte tage bis zu de pinnacles. das si die chauchsangsteine, wo stramm naebenenang wie 
soudate im sang stoeh.bim sunneungergang isch die stimmig dert umbeschriblech schoen worde.ueber geralton si mir de witer bis zum kalbarri nationaupark. dert hei mir das obligatoris
che tourischtefoeteli gmacht u si its nateurleche steifaenschter ineghoecklet. dae park isch aber scho einzigartig u d gaegend isch fasch numme rot. wenn eifach die floeige nid waere, die maches eim z verleide. waer schomau hie isch gsi weiss vo was mir schribe. es isch unbgloublech, da schwirre dr 100erti vo dene chline bischter ume chopf, its muh, id naseloecher, d ohre,....drum het dr padi churzu
m sini ougebindig aus muhschutz umgwandlet, so dass aer wenigschtens proteinfrei het choenne rede. 1 tag speter 
isch das kaengeruh bim shell- beach entstange. dert 
chasch bis ca. 10 meter toeif abegrabe u du gsehsch nuet usser muescheli. bim eagele bluff, e ussichtspunkt vom shark-bay, hei mir de no hufe haie choenne zueluege, wie si duer ds 
wasser gschwumme si. dert obe hei mir draeit u si de wider zruegg zum scarborough-beach. dr paedi, mit sim noeie neoprenazug u mit em surfbraett hesch fasch nuemme usem wasser usebracht. unermuedlech isch aer am waeue surfe. u es klapptet scho veiechlei guet. mit em budi, e schueu
kolleg vo mine eutere wo ir nechi vo perth wohnt, hei mir mit em boot mitdoerfe ufs meer use. u bir e chline insle hei mir autbekannti tier troffe, u gaegesitig hei mir ues koeschtlech amuesiert. 
letscht fritig, am 6.3.06 hei mir de chlei mit wehmuet ueses geliebte busli abgaeh u its heissts wider ruckseck a ruegge. mir hei mit daem charrli doch 15000 km abgspuehlet u aer het ues zueverlaessig duer oustralie bracht. natuerlech ou numme dank em guete fahrer padi.scho glie fluege mir its uf singapore u mir froeie ues riisig uf dae letscht teil vo uesere reis.auso, machets guet u haebet sorg.
bis gli robin und hood
2 Kommentare:
Hallo Fanny und Banny
Da ig gloube,dass dir mi letscht Kommentar mit Erfolg heit ignoriert hani dänkt i mäude mi no mau einisch.
Ig wirde immer wie depressiver, je lenger dir unterwägs sit! Würd so gärn der nächscht Zug nach Züri nä u öich cho bsüechlä!
Hie isch es chaut u es schneit u viu.uf der Bettmeralp hets Schnee wie no fasch nie! Gangä äuä am Wuchäändi wieder u mache de es paar Kürveli im Tiefschnee für öich!
Bis gli, dänke a öich!!
Nanina
Hey dir 2
es isch immer wieder chli hert euche blog z läse und z luege, vorallem wenn's hie immer no chat isch. Hüt geits und es isch chli früehlig izoge. hoffe mir er blibt das mal ou chli!!! Ig ha euch hüt no es mai gschickt, damit dir nid uf d idee chömet mir heige euch vergesse...;-) Es isch scshön, dass es euch guet geit und gniesset's no i volle züg. es geit doch ou scho langsam hinder ab gäu... üs geits guet und mi buch isch deftig am wachse. ig muess mi no dra gwöhne so unbeweglech z werde, aber wenn ig de chli chnopf gspüre schutte, de freue mir üs scho mega ufe juli!!! Also hebet d ohre steif und löht's euch la guet ga...
dicke muntsch us dr heimat
rebi und sändu und buch
Kommentar veröffentlichen