Ganz spontan heimer ues entschlosse, uf d Corn Islands chlei go entspanne, suennele u nuet due u vor reiserei go ds erhohle. mit em chline pfuederi simer de gluecklecherwis ou sicher uf der big corn island glandet. mir hei ja es momaentli d chotzbuetle ds vorderscht gha, da mir si ines gwitter cho us dae vogu relativ starch dueregsch
uettlet het.vo dert us heimer die 30 minuetigi fahrt mit em 
boot uf d little corn island i agriff gnoh. leider hets die erschte 2 taeg graegnet, aber da mir so naetti davoser meitschi hei kenneglert(mersi fuer di iladig zum boarde im winter:-), heimer die tage z bodegjasset u derzue e1-2 glesli rum gnoh. es mues nid immer wi si, roeifi-boeifi. im ne u haerzige bungalow heimer ues bequem ignischtet u vo dert us schoeni sicht ufs meer gha. vos de aendl
ech isch schoen worde, heimer die insle nach de schoenschte straend abgsu
echt u si fuendig worde. schnorchle u (p)-(b)-aedele isch da ds paradies. d insle saeuber isch no nid so touristisch, u das macht die insle so einzigartig. si rede hie es gmisch vo spanisch u aenglisch, u mi versteit se numme sehr schwaer.mit em ne riise chueche u natuerlech rum, heimer de am paedu si geburi no gfiiret. aendlech isch er ou 25-gi.
auso, mir mache ues its ufe waeg uf leon, uesi wahrschiendlech letschti station in Nicaragualiebschti gruess u leget nech warm ah
dani u paedu
1 Kommentar:
Hei dir zwoei Waeltebummler! Mir luege ja immer wider mau uf oeire Page verbi u beschtune immer di schoene Schtraend wo dir da bsuechet! Mir hei saeuber ja ou e Blog igrichtet (dr Startschuss heit ja dir gae), dir doerft auso gaern ou mau ga ineluege. www.quer-durch-suedamerika.blogspot.com. Auso machets immer ganz guet u gniessets fescht! Lg Andle u Kusi
Kommentar veröffentlichen