Hallo zaemeMir si guet acho in Amerika, jedoch ueses Gepaeck nid. Drum simer doch aus erschts mau go Flipflops choufe, dasmer bi 30 Grad nid mit uesne Trekking-Schueh hei muesse usharre. Mit uesem Fruend, wo scho am Flughafe gwartet het, heimer de die L.A- Tour gstartet.Vom Manhatten Beach, ueber Santa Monica, zude Stars in Hollywood. Isch geniau gsi sone Tour-Guide zha wo zuesaetzlech no aus Surflehrer e gueti Faue gmacht het. Ueses Schwizerhuetli hets grausam verbroennt bi daem Gspass, Autsch.
Die Amis si in Feschtlifieber gsi, schliesslech heisi ihre Nationalfiirtag gha. Am Paedu hets gfaue, da die Maedels i knappe Bikini si umetorklet. Ueberau heisi Home-partys gha, wie im Fium.Am naechste Tag si de uesi Ruckseck acho u mir hei de unbeschwaert uese witerflug nach Ecuador choenne atraete.
Auso, dir gseht, mir heis guet bis its.
Gli waerde mir Brichte vo uesem Spanischtalaent und der Schueu inedue u dir waerdet uesi liebi Gaschtmuetter gseh.
Gruess, die 2 Rotbrueschtli;-)
3 Kommentare:
Hallo zäme! 1 Tag unterwägs und scho am surfe! Nid schlächt Pädu! Wünsche viu Spass in Ecuador u viu Erfolg bim Spanisch lerne! Muchos saludos de mi! Nicu
Hallo zämä, nach em züglä und 2 wuche ferie chum i ändläch drzue öich zschriebe. ahang vo dä föteli gseh mä, dass es öich super geit. und das fröit mi mega für öich. i wünsche öich gänz tolli und schöni erläbnis und wirde ou i zuekunft öi reis via internet mitverfougä. häbet sorg! liebi grüess michèle
Kommentar veröffentlichen